Chubileu chudiego

De Biquipedia
Ir ta: navego, busca

O chubileu chudiego se celebra cada cinquanta anyatas. Esta parabra vien d'o hebreu chobel, que significa cuerno de masclo, porque se feba servir este cuerno pa anunciar l'anyo de lo chubileu.

Este anyo sabatico en o que se descansaba, se posaban os esclavos en libertat.

Tamién se restituiban as posesions que s'heban comprato.

Se charra d'ixo en o capitol XXV d'o Levitico. N'este libro s'ordena a los chudigos contar siet semanas d'anyos, ye dicir, siet vegatas siet, que fa quaranta y nueu anyatas.

Santificar o cinquanta en o que debeba cadagún tornar a entrar en posesión d'o suyo cabal y familia.

No se sape exacto si ixe chubileu yera quaranta y nueu u cinquanta, pero as compras que se feban entre os chodigos no yeran pa cutio, yeran dica l'anyo d'o chubileu y los agricultors descansaban car yera prohibito cautivar u sembrar a tierra.

Os chodígos observoron esta practica con muita exactitut dica o suyo cativero en Babilonia pero no la siguioron dimpués como notan os doctors en o Talmud, qui aseguran que no i habió més chubileus en ixas envueltas d'o segundo temple.

Manimenos R. Moises fillo de Maimon asegura en o suyo compendio d'o Talmud que os chodigos an continuato siempre on os suyos chubileus porque esta traza de contar lis serviba pa acotraciar los suyos anyos y pa a celebración de bellas festividatz.