Chubileu chudaico
De Biquipedia
O chubileu chudaico se zelebra cada zincuanta añatas. Esta parabra bien d'o ebreu chobel, que sennifica cuerno de masclo, porque se feba serbir este cuerno pa anunziar l'año de lo chubileu.
Este año sabatico en o que se descansaba, se posaban os esclabos en libertat.
Tamién se restituiban as posesions que s'eban comprato.
Se charra d'ixo en o capitol XXV d'o Lebitico. N'este libro s'ordena a los chudigos contar siet semanas d'años, ye dizir, siet begatas siet, que fa cuaranta e nueu añatas.
Santificar o zincaenta en o que debeba cadagún tornar a entrar en posesión d'o suyo cabal e familia.
No se sape esauto si ixe chubileu yera cuaranta e nueu u zincuanta, pero as compras que se feban entre os chodigos no yeran pa cutio, yeran dica l'año d'o chubileu e los agricultors descansaban car yera proibito cautibar u sembrar a tierra.
Os chodígos observoron esta prautica con muita esautitut dica o suyo catiberio en Babilonia pero no la siguiron dimpuén como notan os dotors en o Talmud, qui aseguran que no i abió més chubileus en ixas embueltas d'o segundo temple.
Sin d'embargo R. Moises fillo de Maimon asegura en o suyo compendio d'o Talmud que os chodigos an continuato siempre on os suyos chubileus porque esta traza de contar lis serbiba pa acotraziar los suyos años e pa a zelebrazión de bellas festibidaz.
