Chuan II d'Aragón

De Biquipedia
Ir ta: navego, busca
Chuan II d'Aragón
Rei d'Aragón
Chuan II d'Aragón.jpg

1458 - 1479
Predecesor Alifonso V
Succesor Ferrando II

1458 - 1462
Predecesor Alifonso V d'Aragón
Succesor Henrique IV de Castiella
Naixencia 29 de chunio de 1397
Medina del Campo, Castiella
Muerte 20 de chinero de 1479
Barcelona
Enterreco Sepulcres Reyals d'o Monesterio de Poblet
Consort Blanca de Navarra
Chuana Enríquez
Casa Reyal Casa de Trastamara
Pai Ferrando I d'Antequera
Mai Alionor Urraca de Castiella

Escudo de Chuan II d'Aragón

Chuan II d'Aragón (Medina d'o Campo, 29 de chunio de 1398 - †Barcelona, 19 de chinero de 1479) estió Conde de Ribagorza (1425-1458), Rei de Navarra (1425-1479) y Rei d'Aragón, Conde de Barcelona, Rei de Valencia, Rei de Mallorca y Rei de Secilia (1458-1479).

Yera fillo de Ferrando d'Antequera y de Leonor Urraca de Castiella. Succedió a lo suyo chirmán Alifonso V en os territorios d'a Corona d'Aragón. En 1419 se casó con Blanca de Navarra estando proclamato rei de Navarra en 1425, anque yera la suya muller quí s'encargaba d'o gubierno de Navarra. Mientres ell aduyaba a lo suyo chirmán con os afers d'a Corona d'Aragón dica la muerte de Alifonso en 1458 quan fue coronato Rei d'Aragón y d'a resta de territorios d'a Corona, de fueras de Nápols que pasó a mans d'o fillo d'Alifonso, Ferrando I de Nápols. Quan morió Blanca de Navarra se casó con Chuana Enríquez.

En o suyo reinato habió dos guerras civils en os suyos territorios. A primerá estió a guerra civil en Navarra, an s'enfrontinó a lo suyo primochenito Carlos de Viana en 1452, a quí redotó y desheredó. A segunda estió a guerra civil catalana (1462-1472) an tenió l'aduya d'o rei Loís XI. Chuan heba de pechar a lo rei de Francia 200.000 doblons d'oro por l'aduya u entregar a Francia a isla de Cerdenya y o Rosellón, como ta rematadera escayeció.

Morió en Barcelona, o 19 de chinero de 1479 y fue enterrato en o Monesterio de Poblet.

Deixó lo Reino de Navarra a la suya filla Alionor de Foix y os territorios d'a Corona d'Aragón a lo suyo fillo Ferrando.


Predecesor:
Alifonso V
Rei d'Aragón
1458 - 1479
Succesor:
Ferrando II
Predecesor:
Carlos III
Rei de Navarra
1425 - 1479
Succesor:
Alionor I