Chuan II d'Aragón
De Biquipedia
|
||
| Informazión | ||
|---|---|---|
| Rei en | Aragón y  Nabarra |
|
| dende | 1425 (Nabarra) 1458 (Aragón) |
|
| dica | 1479 | |
| Prezedito por | Alifonso V (Aragón) Carlos III (Nabarra) |
|
| Suzedito por | Ferrando II (Aragón) Alionor I (Nabarra) |
|
| Naximiento | 29 de chunio de 1398 | |
| Muerte | 19 de chinero de 1479 | |
Chuan II d'Aragón (Medina d'o Campo, 29 de chunio de 1398 - †Barzelona, 19 de chinero de 1479) estió Conde de Ribagorza (1425-1458), Rei de Nabarra (1425-1479) y Rei d'Aragón, Conde de Barzelona, Rei de Balenzia, Rei de Mallorca y Rei de Sezilia (1458-1479).
Yera fillo de Ferrando d'Antequera y de Leonor Urraca de Castiella. Suzedió á lo suyo chirmán Alifonso V en os territorios d'a Corona d'Aragón. En 1419 se casó con Blanca de Nabarra estando proclamato rei de Nabarra en 1425, anque yera la suya muller quí s'encargaba d'o gubierno de Nabarra. Mientres er aduyaba á lo suyo chirmán con os afers d'a Corona d'Aragón dica la muerte de Alifonso en 1458 cuan estió coronato Rei d'Aragón y d'a resta de territorios d'a Corona, eszeuto Nápols que pasó a mans d'o fillo d'Alifonso, Ferrando I de Nápols. Cuan morió Blanca de Nabarra se casó con Chuana Enríquez.
En o suyo reinato abió dos guerras zebils en os suyos territorios. A primerá estió a guerra zebil en Nabarra, an s'enfrontinó á lo suyo primoxenito Carlos de Biana en 1452, a quí redotó y deseredó. A segunda estió a guerra zebil catalana (1462-1472) an abió l'aduya d'o rei Loís XI. Chuan eba de bosar á lo rei de Franzia 200.000 doblons d'oro por l'aduya u entregar a Franzia a isla de Zerdeña y o Rosellón, como ta rematadera acayezió.
Morió en Barzelona, o 19 de chinero de 1479 y estió enterrato en o Monesterio de Poblet.
Dexó lo Reino de Nabarra á la suya filla Alionor de Foix y os territorios d'a Corona d'Aragón á lo suyo fillo Ferrando.
| Predezesor: Alifonso V |
Rei d'Aragón 1458 - 1479 |
Suzesor: Ferrando II |
| Predezesor: Carlos III |
Rei de Nabarra 1425 - 1479 |
Suzesor: Alionor I |
