Chilviella

Chilviella
Municipio d'o País Valencián
Entidat  • Estato  • Comunidat  • Provincia  • Comarca	Municipio Espanya Comunidat Valenciana Valencia Huerta Ueste
Superficie	5,2 km²
Población  • Total	30,212 hab. (2007)
Altaria	17 m.
Distancia  • 4,9 km	enta Valencia
Codigo postal	46950

Chilviella (Xirivella en valencián) ye un municipio de la provincia de Valencia, situato en la comarca de lo Huerta Ueste. La suya población ye de 30.212 habitants (2007), en una superficie de 5,2 km² con una densidat de población de 5.810 hab/km².

Toponimia

Ye citata en lo "repartiment" como Xilbiela, que hemos d'interpretar como Chilviella, (en grafía meyeval a vegatas escribiban Belxit y Sanxo y feban servir a ch pa representar o fonema k por eixemplo en alcharea).

Comendator d’Alcaniç, alqueriam de Xilbiela, de l’Argarbia, et domos que fuerunt d’Alarif, in quibus stat arrayç Aboçatan, iuxta domos d’Abiniuniç. X kalendas marcii. Cum molendinis et furnis

Dicen de L'Argarbia, u siga, "de l'este", pa esferenciar-la d'atra homonina Xilvela del Axarquia, u siga, "de l'ueste", que se crei que yera por Benicalap u Casas de Bàrcena.

Egual que Chelba s'interpreta como una evolución de lo latín SILVA ("selba"), Chilviella ye interpretable como una evolución mozarabe de lo latín SILVELLA u de Chelva con o sufixo romanze -iella. Los toponimos romances escritos en lo repartiment no son los toponimos mozarabes orichinals y son formas modificatas por los escribans, en este caso un aragonés, no habendo-ie influencia aragonesa en la mención de Xilbela del Axarquia.

Estase la forma mozarabe orichinal con diftongo (Chilbiella) u sin de diftongo (Chilbella), en valencián la parabra orichinal evolucionó ta Xirvella y dimpués ta Xirivella, (en catalán occidental se prenuncian africatos con ch, pero en la grafía catalana y valenciana s'escriben con x d'alcuerdo con una tradición meyeval). La forma con diftongo Chiribiella encara esiste como apellito.