Cheso (mineral)
- Este articlo tracta sobre o cheso como mineral, pa atros usos de cheso como roca sedimentaria, como material de construcción u como chentilicio, veyer cheso (desambigación).
| Cheso | ||
|---|---|---|
 |
||
|
|
||
| Categoría: | Sulfatos (minerals) | |
| Clase: | 07.CD.40 | |
| Formula quimica: | CaSO4·2H2O | |
|
|
||
| Color: | Incoloro-Blanco y atros colors por impurezas (royo, rosa, griso). | |
| Raya: | Blanca | |
| Lustre: | Vitrio u sedoso | |
| Transparencia: | Transparent a translucido | |
| Sistema cristalín: | Monoclinico | |
| Habito: | Masivo, compacto, elongato | |
| Macla: | Punta de Sayeta | |
| Exfoliación: | [010] Perfecta, [100] y [011] regular | |
| Trencadura: | Concoidea | |
| Dureza: | 2 | |
| Tenacidat: | Fráchil | |
| Peso especifico: | 22,7 | |
| Densidat: | 2,31-2,33 | |
| Birrefrinchencia: | δ = 0.010 | |
| Pleocroísmo: | Sin | |
| Solubilidat: | Alta | |
|
|
||
| Anhidrita | ||
O cheso ye un mineral d'a clase d'os sulfatos con formula (CaSO4·2H2O) tipico d'ambients evaporiticos que forma rocas monomineralicas homonimas, os chesos. Se fa servir en construcción.
O cheso ye un mineral muito común, tipico d'os materials sedimentarios terciarios d'a Val de l'Ebro, en especial en os sectors centrals, asinas como d'as facies Keuper d'o triasico superior. As formas que se troban més asobén son o cheso microcristalín (alabastre), o cheso fibroso y o cheso megacristalín. Tamién se pueden trobar rosetas, pero no tan grans ni freqüents como as "rosas d'o desierto" d'o Sahara.
O cheso s'espleita en chacimientos en os que se presenta como roca.
L'abundancia d'o cheso en a Val de l'Ebro ye a razón de que se produgan fenomens karsticos, con formación de Dolinas en lugars d'a redolata de Zaragoza (Casetas, Utevo, Lo Burgo d'Ebro on bi ha dolinas aluvials), y dica en o mesmo Zaragoza (dolinas a man d'a Canal Imperial d'Aragón en Val de Fierro).
