Cherba
De Biquipedia
Cherba (جربة en arabe) ye una isla d'o norte d'Africa pertenexient a Tunizia, con 514 km² de superfizie. Ye situata en lo golfo de Gabes, debant d'as costas d'ixe país norteafricán.
Ye a mayor isla d'o norte d'Africa. A suya ziudat més important ye Houmt Souk —Souk sennifica zoco u mercato—.
Ye un destín turistico que cuenta con enrunas d'a dinastía aglabíta. Muitos turistas bienen por estar eszenario d'o rodache d'a pelicula Star Wars, en concreto o planeta desertico de Tatooine, niedo de piratas y contrabandistas.
A suya poblazión ye berber y d'a seta ibadita, una branca d'os kharichismo.
[editar] Istoria
En 1282 os almogabars dirichitos por Rocher de Lauria a lo serbizio d'o rei Pero lo Gran la conquirioron, con enchaquia d'una espedizión a Túnez, y en 1296 se i adibioron as islas d'os Quérques, esdebenindo a Señoría de Cherba.
O 14 de mayo de 1560 bi abió una important batalla nabal, a batalla de Cherba, con bictoria de l'Imperio Otomán.
[editar] Toponimia
En ixas embueltas d'os romans ya en deziban Girba, nombre que eboluzionó ta Gerba, que prenioron en arabe e luengas romanzes como o catalán e l'aragonés. En aragonés meyebal s'escribiba con G, que yera como se representaba o fonema africato xordo que güei s'escribe ch:
