Cheografía de Cheorchia

De Biquipedia
Ir ta: navego, busca
Iste articlo ye sobre a cheografía d'o país de Cheorchia; ta la cheografía d'o estato estatounitense, se veiga Cheografía d'o estato de Cheorchia.
Situazión de Cheorchia.

Localizata entre dos continents, Cheorchia tien una muga de 723 km con Rusia. As siguients republicas/subdivisions de Rusia -d'ueste enta l'este- fan muga con Cheorchia: Krasnodar Krai, Circasia, Kabardino-Balkaria, Osetia d'o Norte-Alania, Inguixetia, Chechenia y Daguestán. Cheografica y culturalment, Cheorchia ye considerata una nación transcontinental.

O terrén ha tres partis distintas: a o norte y a o sud ye montanyoso, incluyindo-bi, a o norte, a vertient sud d'o Gran Caucas, y a o sud parti d'o Chicot Caucas y os primers repuntes d'as montanyas d'Armenia y d'Anatolia; enta o centro s'estendilla una ampla val que prene a traza de plana costera chunto a o litoral d'a mar Negra.

Principals ciudatz:

  • Tblisi, 1.066.100 habitants (aria metropolitana 1.270.800 habitants)
  • Kutaisi, 183.300 habitants
  • Batumi, 116.00 habitants

O quadro natural de Cheorchia n'ofreixe asabelos, de contrastes, que chustifican a suya división en tres rechions:

  • Transcaucasia occidental, enfilata enta o mar Negro y dominata per a val de Rioni, de clima humido y rica vechetación subtropical.
  • Transcaucasia oriental més xuta en a parti travesata per o río Kura, do apareixen as estepas semiaridas.
  • Catena d'o Caucas, con a versant meridional d'o Gran Caucas, con as suyas laderas y alteras tucas do bi ha cheleras y nieus eternas, y a part noroccidental d'o Chicot Caucas.

A población ye formata per una mayoría de cheorchians, con minorías de rusos, armenios, abkhasians, achars y osetas. Se concentra sobretot enta l'ueste, en o piet d'o Caucaso y a ribera d'a mar Negra, do son bellas ciudatz de cierta importancia: Kutasai, en o meyo d'a val de Rion, productora de seda y lana; Poti, puerto d'a mar Negra, per do se saca o manganés de Chiatura; Sukhumi, capital de Abkhasia, en o piet d'o Caucaso y estación balneyaria d'a mar Negra, con importants institucions scientificas y Batumi, capital d'Acharia, puerto d'a mar Negra, exportador de petrolio y seu de refinerías.