Cheografía d'Espanya

De Biquipedia
Ir ta: navego, busca
Mapa fisico d'Espanya a on se i veyen as prencipals ciudatz y as suyas mars mugants.

Espanya (con o nombre oficial en castellán de "Reino de España", "Reino d'Espanya" en aragonés) ye un estato transcontinental situau en sudueste d'Europa y en o norte d'Africa. Amás d'ocupar a mayor parte d'a Peninsula Iberica, Espanya ye formada por dos archipielagos (as islas Canarias en l'ocián Atlantico y as islas Balears en a mar Mediterrania) y por dos ciudatz autonomas (Ceuta y Melilla) en o norte d'Africa, amás de quantas islas menors en ista redolada y d'atras amanatas a la peninsula, como o penyón de Vélez d'a Gomera, o penyón d'Alhucemas, as islas Chafarinas y a isla Perejil. Espanya muga a l'ueste con l'ocián Atlantico y Portugal; a o norte con a mar Cantabrica, a o noreste con Francia y Andorra, a l'atro canto d'a cordelera d'o Pireneu; a l'este con a mar Mediterrania y a o sud con o Reino Unito en a suya buega con Chibraltar, y con Marruecos, en as buegas de Ceuta y de Melilla, en o continent africán.