Chenero gramatical

De Biquipedia
Ir ta: navego, busca
Este articlo trata sobre o chenero que ye un accident gramatical de muitas luengas. Ta altros emplegos d'a parola se veiga Chenero (desambigación).

O chenero gramatical ye un sistema de clasificación nominal que bi ha en bellas luengas en que os elementos nominals se clasifican dentro un numero mugato de clases pa las que bi ha regles de concordancia.

En as luengas indoeuropeas o numero de cheners ye entre dos y tres, por un regular masculín, feminín y neutro, y cadagún concierta con una flexión. N'atras luengas o numero de clases nominals puet superar la decena.

O chenero ye una propiedat lingüistica n'un idioma y no indica necesariament o sexo biolochico, encara que en bells idiomas un u més cheneros s'empleguen pa un d'os sexos biolochicos.

O chenero gramatical en latín[editar | editar código]

En a luenga latina bi heba tres cheners: masculín, feminín y neutro. A mayoría d'as palabras de chenero masculín remataban en -US, as femininas en -A y as neutras en -UM, encara que bi heba quantas excepcions, como tamién en as luengas romances actuals.

En latín vulgar[editar | editar código]

En latín vulgar o tardán, o chenero neutro desapareixió, probablement por no tener dengún significato semantico especial, y tamién por a evolución fonetica que fació desapareixer a diferencia entre as terminacions d'os cheneros masculín y neutro. Por ixo, a mayoría d'as palabras orichinalment neutras en latín clasico, fusionoron con o chenero masculín en as luengas romances, y beluna con o feminín. Ye menester de mencionar que a terminación plural d'as palabras neutras en latín yera, regularment, una -A (por eixemplo FOLIUM > FOLIA), d'a que en as luengas romances evolucionoron palabras singulars de chenero feminin; por eixemplo: FOLIA > fuella (realment: 'fuellas').

En aragonés[editar | editar código]

Gnome-searchtool.svg
Ta más detalles, veyer l'articlo chenero gramatical en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O chenero gramatical en l'aragonés se puet clasificar seguntes diferents grupos de parabras.

As parabras que derivan d'a segunda declinación u asimilatas a la segunda conchugación gosan estar masculinas:

As parabras que derivan d'a primera declinación gosan estar femininas:

  • FILIA(M) > filla

Bi ha plurals neutros asimilatos a la primera declinación que esdevienen singulars de chenero feminín:

As parabras rematatas en -or son femininas:

Os arbols frutals por un regular rematan en -era, sufixo que deriva d'o latín -ARIA y tienen por un regular chenero feminín:

Por extensión a mata que produce bell fruito aproveitable tamién puet rematar en -era y ye de chenero feminín:

O chenero d'os ríos ye variable seguntes o río.

  • Muitos que rematan en -a tienen chenero feminín: a Cinca/a Cinga, a Cinqueta, a Garona, L'Arba, a Noguera, a Isuela, La Uecha, La Uerva, etc... Este zaguero se clamaba en lenguache d'o sieglo XVI río de la Uerba.
  • Muitos que provienen d'a segunda y tercera declinacions tienen chenero masculín: L'Ebro, O Galligo, O Flumen, L'Alcanadre.

En castellán[editar | editar código]

Gnome-searchtool.svg
Ta más detalles, veyer l'articlo chenero gramatical en o castellánveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O chenero gramatical en o castellán distingue en os sustantivos, adchectivos, articlos y bells pronombres presonals entre chenero masculín y chenero feminín. Manimenos tamién existen restos d'o chenero neutro d'orichen latín, pero limitato a lo pronombre presonal (ello), l'articlo definito (lo), os quantificadors (cuanto, cuánto, tanto), os pronombres demostrativos (esto, eso, aquello) y bells pronombres indefinitos (algo, nada, todo).

O chenero d'os sustantivos[editar | editar código]

Muitas vegatas se puet deducir o chenero d'as parabras seguntes as suyas terminacions.

Son de chenero masculín
  • cheneralment as parabras terminatas en -o, -or, -n (libro, valor, corazón, ecetra.)
  • os sustantivos d'orichen grecolatin terminatos en -ma y -ta (poema, panorama, planeta, poeta, ecetra.)
  • as parabras relacionatas con os hombres, animals masculins, profesions masculinas, ecetra. (panadero, conductor, padre ecetra.)
  • os nombres de ríos, vals, mars, ecetra.
  • os nombres de dias d'a semana u d'o mes.
  • os toponimos y nombres cheograficos que no terminan en -a.
Son de chenero feminín
  • cheneralment as parabras terminatas en -a (casa, puerta, ventana, ecetra.)
  • as parabras relacionatas con as mullers, animals feminins, profesions feminins, ecetra. (madre, vaca, modelo, ecetra.)
  • totas as parablas terminatas en -dad u -tad, -tud, -ción, -sión y -xión (calidad, juventud, canción, pasión, flexión, ecetra.).
  • os toponimos y nombres cheograficos que terminan en -a.
Bells eixemplos como excepcions
  • parabra que termina en -o, pero ye feminina: mano
  • parabras que terminan en -a, pero son masculinas: día, mapa, tequila, ecetra.
Parabras invariables en chenero

En castellán bi ha parabras, sobretot que significan profesions, que no varían en chenero. En iste caso nomás l'articlo definito u l'adchectivo marca o suyo chenero:

  • parabras terminatas en -ista: el periodista, la periodista
  • parabras terminatas en -nte: el cantante, la cantante; el presidente, la presidente (encara que existe tamién a forma moderna la presidenta).
  • altros eixemplos: el joven, la joven (encara que existe a forma dialectal la jovena); el juez, la juez (tamién existe a forma poco usual la jueza).
Parabras de chenero ambigo
  • Bi ha bells sustantivos en castellán que se puet usar como masculins y feminins tamién, por eixemplo: el mar, la mar (a segunda forma ye més poetica).
  • En ocasions, una parabra puet usar-se como masculina en singular y feminina en plural: el arte histórico, pero las bellas artes.
Parabras homonimas con significatos que varían seguntes o chenero
  • el capital ('fondo monetario') y la capital ('ciudat prencipal')
  • el orden ('colocación u clasificación de cosas', 'institución relichiosa') y la orden ('mandato que s'ha d'executar'), ecetra.

O chenero d'os pronombres, articlos y quantificadors[editar | editar código]

A diferencia d'os sustantivos, os pronombres, articlos definitos y os quantificadors pueden tener chenero neutro, antimás d'o masculín y feminín. En iste caso, a terminación masculina ye -e o consonant (este, ese, aquel, él, el), a feminina ye -a (esta, esa, aquella, la, ella) y lo neutro ye -o (esto, eso, aquello, lo, ello, algo, todo, cuanto, tanto).

Como os adchectivos no tienen formas especificas o terminacions ta lo chenero neutro, a forma en que deben concordarse con ellos no difiere d'a masculina. Eixemplos: lo malo; algo bueno; esto es verdadero.


O chenero gramatical en aragonés y luengas romances circumvecinas
o chenero gramatical en l'aragonés | o chenero gramatical en l'occitán | o chenero gramatical en o catalán | o chenero gramatical en o castellán