Chelera rocosa

De Biquipedia
Ir ta: navego, busca
Una chelera rocosa en Crugach Mountains (Alaska).

Una chelera rocosa ye una masa formada por una mezcla de fragmentos rocosos angulosos y chelo que baixa por una versant a poca velocidat (dende qualques centimetros a qualques metros por anyo). Con lo tiempo, en unas mils d'anyadas, este desplazamiento chenera una morfolochía pareixida a una colada de lava, plegando a tener uns quantos kilometros de longaria, especialment visible en los paisaches de montanya.

Lo termin "chelera rocosa" puet fer que lo concepto se confunda con las cheleras verdaderas u con las cheleras cubiertas, muito diferents en morfolochía, estructura interna, dinamica y evolución temporal.

La formación de las cheleras rocosas ye un tema encara poco claro.

Cheleras rocosas en los Pireneus[editar | editar código]

Eixemplos de cheleras rocosas son la chelera rocosa de las Rechanzadas (en Sant Chuan de Plan amán de lo Ibón de la Solana), de Los Gemelos (en Benás amán de Lardana), de Pombie (en la versant sudeste de Midi d'Ossau) y d'Argualas (en Sallent de Galligo y situau en un cul). Son encara activos los que bi ha en lo macizo de Pocetz u Lardana, los d'Argualas y los de la Val de Besiberri. Se suposa que la chelera rocosa de Los Gemelos se formó en la chicota edat de chelo.[1]

Referencias[editar | editar código]

  1. Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. pp190-193