Cebollino
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O cebollino (pronunciau /θebo'ʎino/~/θebu'ʎino/, como "zebollino" u "zebullino") ye a plantula de muit curta edat de a cebolla, cherminada de simient, que encara tiene as fuellas de sección cilindrica, vuedas por adintro, caracteristicas d'os primers estadíos de creiximiento d'ista especie.
O cebollino se conoix como una planta delicada, con una elevada mortalidat. Por ixo, os cebollinos no se siembran directament en a tierra, sino que se gosa sembrar-los en tiesto u en planteros (que prenen o nombre especifico de «cebollinars») a on que se les puede dar unas condicions que faigan de millor controlar. Os cebollinos se tresplantan ta la tierra cuan tienen d'entre 3 y 6 semanas de creiximiento, y comienzan a adoptar a morfolochía d'una cebolleta choven.