Catirón

De Biquipedia
Ir ta: navego, busca
Cranio d'un hipopotamo, en o qualo s'aprecian os suyos grans catirons.

Un catirón[1] ye un dient prou largo de bells mamifers que sobresale quan a boca ye zarrata. Emplegatos ta esfensar-se más que t'atacar, os catirons, que una vegata estioron dients normals, s'han desembolicato con l'uso, convertindo-sen en un sinyal d'identidat ta os animals que los poseyen.

Bells eixemplos de mamifers vivents con catirons son o elefant, o chabalín, o hipopotamo, a morsa y o narval, y entre os mamifers extinctos se troban o mamut y o tigre de dients de sable.

Os dients que con o tiempo s'han convertito en catirons no son os mesmos en totas as especies d'animals: en o elefant se tracta de dos incisivos superiors, en o chabalín son os canins inferiors, que son más desembolicatos en os masclos adultos, en o hipopotamo son os canins superiors.

Os catirons s'emplegan ta producir vori, que s'usa en decoración y en choyería, y d'antis más s'emplegaban tamién ta elaborar atros articlos, como teclas de piano. Ya que os animals con catirons son en periglo d'extinción (más que más o elefant africán), o comercio con vori ye muit restrinchito por a Convención sobre o Comercio Internacional d'Especies Menazatas de Fauna y Flora Silvestres (CITIS) d'as Nacions Unitas. Se desconoixe si ista prohibición se debantará bell día.

Referencias[editar | editar código]