Castanyetas

De Biquipedia
Ir ta: navego, busca
Castanyetas
Castanyetas
Clasificación
Instrumento de percusión

As castanyetas[1] son un instrumento musical de percusión que consiste de dos piezas concavas que se fan trucar la una contra l'altra. Se solen elaborar con madera, anque bi'n ha que son feitas de vori, metal u dica qualques formas de plasticos u resinas sinteticas mudernas. Se piensa que las prencipioron a fer os fenicios, en fa arredol d'os 3.000 anyos, y que con o comercio a traviés de la Mediterrania s'espandioron per totz os territorios arredol d'a cuenca d'ista mar.

As castanyetas son tradicionals en a musica de muitos países europeus, pero diz que en Espanya ye a on més fino s'ha feto l'arte de tocar-las, desarrollando-se-ie muito mes a tecnica en paralelo con os estilos musicals (o folklore tradicional) que bi las emplegan. Existen diferents variedatz espanyolas d'este istrumento; en Galicia, en Cantabria (a on as claman Tarrañuilas), en as Balears y en as Canarias (á on bi en dicen Chácaras). En Aragón as castanyetas tradicionals son mes grans que en a resta d'Espanya, feitas de regular con o durel d'o buixo, y a sobén con debuixos gravatos en a superficie que representan motivos cheometricos y tradicionals (rosetas, quatrefuellas, zanefas, etc).

A ritmicidat d'o toque d'as castanyetas ha feto que se'n diga de diferents manieras seguntes o compás que sigan. Un d'estes toques l'ha dato lo nombre a una d'as bailes tradicionals de l'Alto Aragón, o Tin Tan, que ye a onomatopeya d'o toque de castanyetas que se fa.

Referencias[editar | editar código]

  1. (es) J.A. Saura, Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). pp 132-133

Vinclos externos[editar | editar código]