Casa d'a Villa

De Biquipedia
(Reendrezato dende Casa d'a villa)
Ir ta: navego, busca
Casa d'a villa d'Alcanyiz.

Casa d'a Villa ye una denominación tradicional en aragonés d'o edificio que fa de seu d'o municipio y concello municipal. En ocasions a casa d'a villa ye un edificio con gran intrés artistico. En Aragón bi ha eixemplos de casas d'a villa renaixentistas.

Denominacions[editar | editar código]

A denominación casa d'a Villa a vegadas con ciertos verbos no leva articlo definiu, como veyemos en A Lueca y en atros pocos textos:

se'n van i(r) Casa la Villa y allí se van achunta(r)[1] (aragonés de Fonz de 1866).
Els han gritau a Casa la Vila.[2] (aragonés benasqués.)

En aragonés, a diferencia d'o castellán, se fa distinción entre o edificio fisico, Casa d'a Villa y a institución que lo ocupa: concello (u en benasqués achuntament).

Atras denominacions d'o edificio seu d'o concello municipal son Casa Lugar, Casa d'o Lugar y Casa'l Lugar. En cheso ye Casa de la Villa, en benasqués ye Casa de la Vila, coincidindo foneticament con o catalán. O emplego Casa d'a Villa u Casa de la Villa seguntes l'articlo que s'emplegue en cada comarca ha estato prou estendillato pa que encara en Andorra y Chiprana retulen oficialment l'edificio municipal Casa de la Villa.

Referencias[editar | editar código]

  1. (an) Manuel Márquez Franco: Pregón de las fiestas de San Blas. Revista Fuellas, nº 46, Uesca 1985.
  2. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 220