Capítol d'a seu

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Capítol de la Seu de Bruxas
Capítol de la Seu de Bruxas

D'alcuerdo con lo dreito canonico, lo capítol de la Seu ye un colechio de clerigos instituito pa aduya a lo bispe con lo suyo consello y, en o caso de quedar vacant lo puesto, substituyir-lo en lo gubierno de la diocesi. La suya creyación ye facultat de lo Papa. Los capítols se composan de canonche y dignidaz que pueden estar numeratos (con prevendas fixas) u no numeratos (lo numero de canonches que sinyala lo bispe seguntes las rendas).

Bi ha un titol beneficial que se da a bels miembros de lo capítol metropolitano que se diz dignidat eclesiastica y que da preferencia sobre los atros miembros. Lo suyo numero y nombre no se fundoron en lo dreito común eclesiastico, se fundoron en los requisitos organizativos de la vida regular y de cadaguna de las diocesis y en los costumbres de cada ilesia. La vida en común requereba la creyación de bels cargos pa lo rechimen, disciplina y administración de lo capítol; y lo gubierno de la diocesi recomendaba la presencia en las seus de los arcedianatos y arciprestatos que i heba en lo mapa eclesiastico.

Lo capítol lo forman un deán (que fa como president), l'archidiacono, lo capiscol u cantor, lo mayestre e lo tresorero. Chunto a ellos se troban las canonchías, en numero variable seguntes un capitol y atro, on bi ha canonches, diacons, sozdiacons y en bels casos (en los capitols mes grans) los capellans.

Ye claro que la primera dignidat yera la de lo bispe (EPISCOPUS en latín) en cada capítol y diocesi.

Lo prior (PRIOR en latín) teneba lo primer puesto dimpués de lo bispe y presidiba lo capítol regular; existió en las seus de Uesca e Chaca dica principios de lo sieglo XIV, en la Colechial de Borcha dica os sieglos XVI-XIX, en la Seu de Zaragoza dica lo sieglo XVII e en la de Roda dica lo sieglo XVIII.

Lo Deán (DECANUS en latín) presidiba los capítols seculars de Tarazona e Albarracín; lo nombre de prior lo substituyoron por lo de deán en las atras seus aragonesas asinas como se secularizaban, fueras de lo de Roda, una seu convertita en simpla colechiata dependient de Leida.

Lo prebost u pabostre (PRAEPOSITUS en latín) s'encargaba de l'administración de los biens de la mensa común: percepción de rendas y distribución de racions canonicals en especie y diners.

L'archidiacono (ARCHIDIACONUS en latín) yera teoricament lo primer de los diacons, a qui competeba la presentación de los ordinandos a lo bispe y que teneba churisdición y dreito de visita sobre lo clero de la demarcación eclesiastica clamata arcedianato.

Lo sacrista u sagristán mayor (SACRISTA en latín) admenistraba los biens de la sacristía y satisfeba los gastos de culto; bellas vegatas recibiba lo titol de tresorero. Lo cantor u capiscol (PRECENTOR u CANTOR en latín) rechiba lo canto coral y ordenaba los servicios d'altar y coro. L' almosnero (HELEMOSINARIUS en latín) en Uesca y Chaca gobernaba la Casa de l'Almosna y atendeba a los pobres y malautos. L'infirmario (INFIRMARIUS en latín) cudiaba de la enfermería canonical; dignidat que no existiba en los capítols seculars y que la suprimioron en los secularizatos.

En las seus de Uesca e Chaca, lo capellán mayor (CAPELLANUS MAYOR en latín) yera lo canonche en qui bispe y capítol delegaban la cura d'almas. En las seus de Chaca e Zaragoza, l'obrero (OPERARIUS en latín) teneba a lo suyo cargo lo mantenimiento de la fabrica y costrucción de dependencias de la seu. En las atras seus la suya función la executaba lo fabriquero, cargo considerato como un oficio y no como una dignidat.

En las localidaz on no bi ha denguna seu y se i ha instituito un colechio de clerigos lo que se diz capítol colechial tien las mesmas funcions que lo capítol de la Seu.

Se veiga tamién[editar | modificar o codigo]

Vinclos externos[editar | modificar o codigo]

Enciclopedia aragonesa