Canabla
De Biquipedia
A canaula, canabla/cannabla u cañabla (d'o latín cannabŭla) ye una piezeta, usualment de matiera u cuero, enrollada sobre d'ela mesma que s'emplega ta poner a esquiella en o cuello d'as güellas, bacas, crabas u d'altros animals domesticos.
A elaborazión tradizional d'as canaulas de fusta yera complicata, e no nomás per que prezisaban de ser quitatas d'arbols concretos, e perque dimpués de quitar as listonas ta fuera d'a tronca s'eban de tener bels tiempos á dintro d'augua ta ablanir-ne la matiera e fer asinas que ésta podiés fer-se doblata fendo una forma amanata d'o cuello d'a bestia qui la ese de portar.
Mutas canaulas tienen debuixos treballatos d'antes más, prou per es amos belas begatas, u per as mullers d'a casa, es cuals teneban sennificatos pardiculars cuasi siempre relazionatos con a suerte, a prebenzión de maloltías d'as bestias e d'os suyos propietarios, u tamién con a esconchuga (espantar as bruixas) d'as casas. Bels simbolos que se i beyen á sobent d'entre ixas representazions son os "cuatre-fuellas" u cuatrifolios, muit relazionatos dend'os tiempos d'antes con a buena suert en as arias perinencas. Altras representazions fan referenzia d'os propietarios de l'animal u son només motibos ornamentals tals como flors, zianefas, u encara prou bels motibos esprituals como cruzes u crismons.
O feito que cada begata sigan menos os animals que chentan libres en as montañas ha feto que la tradizión de treballar as canaulas s'haiga perdito d'á priesas en as zagueras decadas; per ixo, en mutos lugars no s'emplegan mica ya las biellas canaulas de fusta si que han estato sustituyitas per altras més nuebas, fetas de cuero u plastico, que s'acoplan en o cuello d'os animals tal si que estasen zinturons.
[editar] Se beiga tamién
O Biquizionario tien una dentrata sobre Canabla.
