Can alán

De Biquipedia
Ir ta: navego, busca
Can alán.
Quadro de Goya representando a luita d'un toro con uns alans.

L'alán ye una raza de can con mida media propia d'Espanya encara que d'orichens muit antigos en Europa Oriental.

Caracteristicas y funcions[editar | editar código]

Ye un can de tipo moloso lichero de presa y corredor. A funcionalidat tradicional ye de cosirar o vacúmen bravo u quasi bravo en rechimen extensivo. Tamién p'a caza mayor, como can con dient pa subchectar ciervos y chabalins. A suya aplicación moderna ye a guarda y esfensa, asinas como cosirar o bestiar debant de qualsiquier depredador.

Historia[editar | editar código]

A existencia de cans alans en Espanya ye calendata en uns quantos sieglos, encara que o suyo orichen no ye claro de tot. Beluns creyen que esta raza de moloso fue extendillata por Europa por os alans en o sieglo IV y que fue traita a la peninsula Iberica y Berbería quan os alans vinioron con os vandalos.

As primeras mencions escritas sobre l'alán se troban en a obra de Gonzalo de Berceo en 1247. Os textos castellans fan mencions a cans alans. En 1350 o rei Alifonso IX publica en o suyo "Libro de la Montería" y son mencionatos os alans. En o sieglo XV un anonimo publica o "Tratado de la Montería" y fa una profunda descripción somatica d'esta raza de cans. En o "Libro de Alexandre", on son presents muitos aragonesismos tamién parlan d'alans:

commo vn alan cadiello que anda encarnado tenjendo la batalla que fiςo el venado. Andaua en su busca en vn rrico lugar

Tamién fan mención d'os alans en a "Estoria de España" que mandó fer Alifonso lo Sabio:

Et el leon quando oyo la su palabra, estido quedo. Et el Çid leuantosse et tomol por el pescueqo, bien commo si fuesse vn alan muy manso, et ençerrol en el lugar o antes estaua

Tamién Cervantes y Lope de Vega parlan d'os alans como alanos de los tercios.

Bi ha muitas mencions a los cans alans en os textos en aragonés medieval. En o Fuero de Teruel en parlan baixo o epigrafe Del que can ageno matare o linençiare:

Encara mando que qual quiere que alán o saueso o galgo ageno matere o linençiare e aprouado'l fuere, peche XXX:a sueldos.

En textos aragoneses trobamos mencions a alans como cans que teneban os reis y nobles. En os conflictos d'a Unión Aragonesa contra a monarquía se menciona un can alán que causó un problema:

hombres, e después a pocos días el Bort de Concud hubo brega en la ciudat con los de la dita Unión sobre qui un alán que traya en dito Bort, del dito rey, mordió a uno de la ciudat, por lo que se albolotó la ciudat contra el dito Bort, et fueron armados...
roldauan el dito real tudos días bien/ çinçientos hombres; depues a poquos dias el/Bort de Conqut huuo brega en la ciudat con/ los de la dita hunjon, sobre que hun alan que / traya el dito Bort del dito seyor rey, mor/dió ha huno de la çiudat; por lo qual se albolotó/ la çiudat contra el dito Bort; fueron armados/ con grant albolot al reyal diziendo biua el/ rey muera el mal consello; era yde el/ infant don Ferando encara diziendo en ujtu/perjo del dito seyor: bjua la santa hunjon / mueran los rebelles;[1]

Os alans amaneixen en muitas pinturas, por eixemplo os cans d'a La cacería del hoyo de Velázquez, u os cans de Captura de un toro de Francisco de Goya. A practica d'a luita d'alans con vacas u toros ya existiba lo menos en os sieglos XIV y XVI y yera conoixita de cristians y moriscos.

que asi tenían a don Guillem en la cambra como los alanes a la vaca. ...

[2]

A lo mesmo Chuan I li feban goyo os espectaclos de toros luitando contra alans.

Porque querriamos tomar plazer en veros matar toros vos dezimos et mandamos que ven gades aqui a nos con IIII toros los mas bravos que hauer podredes e VIII murellos e dos alanes vaqueros e dos matatoros.

[3]

Vinclos externos[editar | editar código]

Referencias[editar | editar código]