Campanya

De Biquipedia
Ir ta: navego, busca
Localización d'a provincia de Campanya en Francia

A Campanya (en francés Champagne) ye una provincia historica situata en o noreste de Francia, conoixita por a producción d'o vin blanco esbrumoso dito de Champanya u más a sobén champán. A rechión ye situata a bells 160 km a l'este de París. Bi ha cinco departamentos en ista rechion; Aisne, Aube, l'Alto Marne, Marne, y Sena y Marne. As ciudatz de Troyes (capital de Campanya), Reims y Épernay son os suyos prencipals centros comercials.

A mayor parti d'a Campanya ye hue parti de l'actual rechión administrativa de Campanya-Ardenas.

As ferias d'a Campanya[editar | editar código]

Mientres o sieglo XIII, as ferias celebratas en a Campanya uniban as ciudatz productoras de teixitos d'os Países Baixos con os centros situatos en Italia a on se tenyiban y dimpues exportaban. Ista ferias, que ya se feban dende prencipios de dito sieglo, estioron unas d'as primeras manifestacions d'a unión d'as economía a nivel europeu, caracteristica tipica de l'Alta Edat Meya.

As grans ciudatz d'a rechión teneban grans almazens que encara pueden veyer-sen en a localidat Provins. Dende o norte i plegaban as telas feitas de lana y lin y dende o sud pebre y atras especias y drogas. Se pagaba con monedas, pero ya prencipiaban a apareixer nuevos conceptos como os creditos provenients tamién d'Italia. Muitos d'istos biens que se mercaban astí veniban d'a Peninsula Iberica, a ormino a traviés d'o camín de Sant Chaime, que ya yera una rota de pelegrinache important en a epoca, atros productos tamién veniban de Alemanya.

Historia[editar | editar código]

Campanya estió un condato dende o prencipio d'os sieglo XII. S'unió a la corona francesa gracias a lo matrimonio de Chuana de Campanya con Felipe de Francia, que sería rei en 1285 con o nombre de Felipe IV lo Fermoso. Manimenos a Campanya contina estando un territorio independient dica la suya muerte en 1314 y ye o suyo fillo Loís X dito lo Tozoludo quí a la fin la incorpora ta lo Reino de Francia.

Toponimia[editar | editar código]

En textos navarros y en textos aragoneses como a "Cronica de Morea" s'escribe Campanya, Campayna d'alcuerdo con a fonetica aragonesa u Champanya d'alcuerdo con a fonetica francesa:

el cual se nombraua Micer Jufre de Villardoyn & era merechal del condado de Campayna

Se veiga tamién[editar | editar código]