Camorra

De Biquipedia
Ir ta: navego, busca

A Camorra ye una organización criminal mafiosa d'a rechión d'a Campania y a ciudat italiana de Nápols. En comparación con as mafias vecinas, a Sacra corona unita y a 'Ndrangheta, a Camorra se centra més en a piratería.

Historia[editar | editar código]

Camorristi en Nápols, en o 1906

A Camorra naixe en Nápols arredol d'o sieglo XIV. A etimolochia d'o termin ye incierta, pero se crei que «camorra» ye d'orichen ibero-romanico.

Os suyos miembros, ditos camorristi, se relacionoron con actividatz de contrabando, chantaches, sobornos, furtos y asesinatos. Saqueyoron y aterrorizoron a suya zona por muitos sieglos y salioron a la luz publica enta o 1830. A Camorra prosperó mientres os desordens que se desvinioron en Italia quan as luitas por a unificación.

Encara que preboron de reconvertir os camorristi dentro d'o cuerpo de policía, a Camorra continó sembrando o terror y practicament gobernoron a ciudat de Nápols a prencipios d'o sieglo XX. O suyo poder se debilitó asaber-lo quan os suyos miembros fuoron levatos a chudicio en l'anyo 1911. Dompués l'asoziazión fue acotolata en l'año 1922 por o gobierno faxista de Benito Mussolini. A tamas d'esto, bandas criminals parexitas a la Camorra continoron operando en Nápols, encara que dende o 1984, as confesions de bells capos camorristas arrepentitos han permeso a desarticulación de parte d'a infrastructura que heban tornato a desembolicar dende a decada de 1960.

Una extensión d'a Camorra napolitana estió a banda de Al Capone en os Estatos Unitos.