Calonche
De Biquipedia
Lo calonche (calonge en grafía SLA) ye l'eclesiastico que tien una calonchía. Forma parte de lo capítol d'a seu u de lo d'una colechiata u ilesia de rango superior, e rezita l'ofizio publico de la Ilesia. Güei lo nomenamiento de calonches correspone á lo Baticán, que gosa dixar ixa funzión en capítols e bispes. En España, lo Concordato bichent regula como se probeyen las calonchías. Los calonches bisten con un sobrepelliz e una muzeta, de color barianta seguntes la diozesis.
En termins churidicos lo calonche ye l'asesor de lo bispe e ha d'estar graduato en dreito canonico.
[editar] Etimolochía
En aragonés calonche s'escribiba en la Edat Meya calonge e probién de l'oczitán canonge, y este de lo grieco kânon. Asinas Calonche sennifica qui ye chusmeso á lo canon, ye dizir, á los regles. La bariant grafica con -ch- se documenta ya en un testo de 1473 (Supresión de las quatro raciones en las Villas de Almudevar, Lanaja, Alquezar y Berbegal), alternando con calonge:
- por la gracia divina Vispe de la seu de Güesca, y el Dean, Canonges e capítol.
- sean esleidas dos personas el uno canonche, el otro Ciudadano.
Arnal Cavero encara documenta esta parabra en una mazada d'o semontán: u todos monches u todos canonches.
