Califato de Cordoba

De Biquipedia
Ir ta: navego, busca
خلافة قرطبة
Khilāfat Qurṭuba

Califato de Cordoba
Umayyad Flag.svg 929 — 1031 3by2white.svg
3by2white.svg
3by2white.svg
Situación de Califato de Cordoba
Califato de Cordoba en 1000
Capital Cordoba
Idioma oficial
 • Atros idiomas
Arabe
mozarabe
Relichión Musulmana
Gubierno Monarquía
Periodo historico Edat Meya
 • Abderramán III
 • Cayita d'o Califato de Cordoba
Superficie
 • 1000

600,000 km²

O califato de Cordoba, tamién conoixito como califato omeya de Cordoba u califato d'Occident, estió un califato proclamato por Abderramán III en 929, metendo asinas fin a lo emirato independient instaurato por Abderramán I en 756.

En l'anyo 929 Abderramán III prenió o títol de Califa y Emir d'os creyents, con o nombre de Al Nasir li-din Allah.

O segundo califa, al Hakam II prenió o títol de Al Mustansir al Bi llah. Tenió un califato més tranquilo y protechió a cultura.

Hixam succedió a lo suyo pai encara estando un nino, pero qui de verdat mandaba yera Almanzor, o suyo tutor, que dimpués de desfer-se d'o Hachib al Mushafi, esdevinió un dictador duenyo de l'Al Andalus. Con o tiempo prenió os títols de sayyid (sinyor) y malik (rei). Contribuyó con as suyas accions a fer desapareixer o califato. Morió en l'anyo 1002.

O fillo d'Almanzor Abd-al Malik succedió a lo suyo pai, y lo califa li reconoixió a mesma autoridat, pero morió misteriosament. Abd al Rahman Sanchuelo, atro fillo d'Almanzor consiguió ser nombrato hereu contra os dreitos d'os prencipes omeyas. En una expedición contra Toledo esclató un motín en Cordoba, y fue traicionato por as tropas berbers quan tornaba ta Cordoba, morindo.

Entre 1009 y 1031 desapareixió l'autoridat califal y se succedioron muitos pretendients a la cadiera reyal. Os zaguers califas de Cordoba a vegatas yeran omeyas y a vegatas berbers. Os zaguers heban arrasato o palacio de Madina al Zahra quan reinaba Hixam II.

O zaguer califa estió Hixan III al-Mutadd.