Califa
De Biquipedia
Un califa (de l'arabe خليف , Jalif, "suzesor") ye o nombre emplegato en o Islam ta referir-se á las presonas que estioron suzesors d'o profeta Mahoma en os primers sieglos y que exerzioron o liderazgo relichioso y politico en as soziedaz islamicas (a umma). Ta referir-se á o cargo, s'emplega la parabra califato (de l'arabe خِلافة). O nombre completo ye jalifat Rasul Allah (خليفة رسول الله) o "suzesor d'o Nimbiato de Dios".
En l'año 632, á la muerte de Mahoma, no i abió denguna norma ta rechir a suya suzezión, y fue esleito o suyo suegro Abu Bakr al-Siddiq (dimpués d'as barallas entre os abitants de Medina y A Meca) que estió l'unico en emplegar o nombre completo. Dimpués, s'emplegó o nombre abrebiato de califa.
[editar] Califatos
Dica a suya abolizión en 1924 i abió os siguients califatos:
- Cuatro Califas Ortodoxos. Esleitos por a comunidat. Son os unicos califas reconoxitos por sunnitas y xiitas.
- Califato Omeya (661-756). Ye o primer califato ereditario, d'orientazión sunnita. A suya capital estió Domás.
- Califato Abbasí (756-1258). D'orientazión sunní, a suya capital estió Kufa (756-762), dimpués Bagdad (762-1258) y finalment Cairo (1258-1517).
- Califato Fatimí (909-1171). D'orientazión xiita, as suyas capitals estioron Cairuán (909-973) y Cairo (973-1171).
- Califato Omeya de Cordoba u Califato de Cordoba (929-1031). D'orientazión sunnita.
- Califato Otomán (1517-1924). D'orientazión sunnita. A suya capital estió Edirne y Estambul (1453-1924). Turquía abolió o califato en a reforma constituzional de 1926, ya pa cutio.
Tamién os mezmuz emplegoron o tetulo de Califa (u millor, de comendador d'os creyents) en os sieglos XII y XIII (1145-1269), tetulo que eredó dimpués o soldán de Marruecos.
