Calandras

Las calandras u caliendas son una forma popular de predicir l'orache que s'emplegaba antes más.

Se para cuenta de l'orache que fa empecipiando lo 13 d'aviento, Santa Lucia y rematando lo 5 de chinero, viespra de reis.

Cada día, fueras d'o de Nadal, corresponde con un mes de l'anyo vinient. D'esta traza lo diya 13 d'aviento (Santa Lucia) equibaldrá a chinero, lo diya 14 a febrero, y asinas d'esta traza. Se deciba que puyaban las calandras. Lo diya de Nadal no tien equivalencias y ye un punto d'inflexión. Dimpués se para cuenta de l'orache que fa los 12 diyas dimpués, pero de retaculas, lo diya 26 correspondeba a aviento, lo diya 27 correspondeba con noviembre, y asinas d'esta traza. Se deciba que baixaban las calandras.

Si coincidiba l'orache de los dos diyas que correspondeban a lo mesmo mes, se podeba predicir que ixe mes de l'anyo vinient faría ixe orache.

En Castelserás y Torrociella d'Alcanyiz s'ha conservato lo nombre orichinal de Caliendas, evolución regular en aragonés de lo latín CALENDAS, (primer diya de cada mes).

Las Calandras u Caliendas aragonesas equivalen a les tretzenades de zonas catalanoparlants y a las Cabañuelas castellanas, son en atras calendatas y que temporalment coinciden con las Tenporak bascas