Caixicar
Caixicar u Caixigar ye una selva on l'estrato arborio lo forma una un més especies de caxico.
Lo que en aragonés se diz caixicar en conchunto, recibe diferents denominacions en atras luengas on s'especifica lo concepto de caixico con parabras més variatas. Asinas por eixemplo en la zona de lo noreste de la Peninsula Iberica bi ha dos clases principals de caixicars:
- Caixicars con caixicos de fuella gran y caducifolia.
- Caixicars con caixicos de fuella menos gran y marcescents u semicaducifolios.
Los segundos tienen un caracter submediterranio y gosan ocupar lo piso supramediterranio en las sierras y cordeleras on puyando ent'alto aumentan las precipitacions u humidat. Por ixo en lo Prepirineu (y tamién zonas de semontano) ocupan extensas arias dencima de lo nivel de los carrascals pero por debaixo de las pinetas naturals, fayars y abetosas.
[editar] Toponimia
Caixicar u Caixigar amaneixen en l'Alto Aragón como macrotoponimos (Monesma y Caixigar) u microtoponimos. En aragonés meyeval exitioron microtoponimos basatos en robre y no caxico (reboret < ROBURETUM).
En lo Sistema Iberico ocuporon extensas arias dica que en la Edat Meya empezipió un proceso de desforestación que duró dica lo sieglo XX. En castellán de bellas zonas de Teruel, un caixicar recibe huei lo nombre de rebollar, pero bi ha toponimos documentatos como caxigar en la Edat Meya como Cerro del Caxigar en Olalla y atros que son huei cajigar como en Cosa, u o caso de Val de Cebro on se documenta un Caxigar de Valdezebro d'o sieglo XV y huei bi ha una partita dita Los Cajigares.
