Cagot

De Biquipedia
Ir ta: navego, busca
Anvista de lo vico de Bozate (Val de Baztán), guetto cagot d'antes mas y habitau encara huei por descendients de los cagotz.

Os cagotz, mesiellos[1] u gafos yeran un grupo social marguinal que viviba en Francia y noreste d'Espanya, especialment en Guipuzcua, norte de Navarra, Cinco Villas, Chacetania, Biarn y Gascunya...

No yeran consideratos de lo mesmo grupo etnico que la población cheneral, no lis se permeteba fer muitas cosas y constituiban una casta d'oficio obligata a malvivir y dedicar-sen a triballos artesanals. Lur marguinación yera més gran en Navarra, Biarn y Gascunya. En la Chacetania y determinatas zonas d'Occitania lur marguinación yera menor y han deixato menos noticias. La embotada Cagotes de los Canfraners deriva d'esta chent.

Lur aspecto fisico ye diferent de l'aspecto de la chent de lo Norte de Navarra. Destaca a l'alta freqüencia de lo lobulo de la orella apegato a la piel de la mandibula, a diferencia de la población cheneral, que lo tien asobén deseparato y con atra forma.

Historia[editar | editar código]

Lur orichen ye polemico. Existe una teoría que los relaciona con visigodos, basandose que en occitán ca got significa precisament can got. Atra teoría los relaciona con os cataros.

Los autors Marca y Lardizábal niegan que sigan cataros, car los cataros amaneixen en Lenguadoc por l'anyo 1170 y desapareixen en l'anyo 1215. Se sape que los cagotz ya existiban en l'anyo 1000, con lo nombre Crestiaas, como se deduce de lo Cartulario de l'Abadía de Luc y de l'antigo fuero de Navarra compilato por Sancho Remíriz en 1070 y que los menciona como Gafos. En l'Alto Aragón occidental y Cinco Villas ye testimoniada documentalment lur presencia en ciudatz como Chaca u Sos d'o Rei Catolico[1] baixo las demoninacions medievals de "cristianos de Sant Lazaro" u "mesiellos".

En 1819 as Cortz de Navarra promulgoron leis pa rematar con la marguinación, leis que abrogoron las leis medievals discriminadoras. Tamién se prebó establir cagotz en Madrit, en lo lugar que huei se dice Nuevo Baztán. Bells agotz emigroron ta America, pero a más gran parte de los cagotz permanexió en lurs lugars u se'n tornó a la fin.

Encara con la ley de 1819 prohibindo la discriminación, lur marguinación duró dica lo sieglo XX en la Val de Baztán. Lo vico de Bozate en Arizcum (Val de Baztán) yera un guetto cagot, y la chent que huei i vive desciende dreitament de los cagotz.

Referencias[editar | editar código]

  1. 1,0 1,1 Abella Samitier, Juan: Sos en la Baja Edad Media. Una villa aragonesa de frontera Institución Fernando el Católico, 2012

Vinclos externos[editar | editar código]