Cabo d'anyo

De Biquipedia
Ir ta: navego, busca
Este articlo ye sobre o primer día d'o calendario gregorián, t'as celebracions festivas y borinas relacionatas, se veiga Nueit de Cabo d'anyo y ta la plega de lamins se veiga Cabo d'anyo (plega)
Celebrando lo cabo d'anyo

O día de cabo d'anyo ye o primer día de l'anyo en o calendario Gregorián. Actualment ye o 1 de chenero. Ye festivo en o catolicismo, que asimila d'esta traza una fiesta d'a relichión politeísta romana. En atras ilesias cristianas oriental celebran o cabo d'anyo como fiesta relichiosa o 14 de chinero d'alcuerdo con o calendario Chulián, y por ixo son conoixitas como d'o calendario antigo.

Denominacions[editar | editar código]

En aragonés actual cabo d'anyo se fa servir sobre tot t'a borina que se fa a nueit entre o 31 d'aviento y 1 de chinero y pa os regalos que se demandan os ninos fendo la tradicional plega por as casas. En atro contexto tamién se diz cabo d'anyo quan ya ha pasato una anyata d'a muerte d'un defunto. En a Edat Meya trobamos una mención a lo día 1 de chinero como cabo d'anyo y o 31 d'aviento como viespra de cabo d'anyo en as Cronicas d'os Chudeces de Teruel:

c. fue judez don francisco ximenez de santa maria huuo guera el senyor Rey con el conte de anpurjas el senyor duc con trecientas lanças uencjo a quinient lanças y el sol e dia de cabo danyo primero de jenero a ora de mjsas murióse el sol e uino en decripbsen.
1231 Don Pero Alcayde. En esti año fue presa la tierra del reyno de Mallorcas que era de moros e prísola el rey de Aragón clamado el Rey Don Jayme e tomola el zaguer dia de deziembre, vispra de cabo de año

Atra mención a lo cabo d'anyo en textos medievals aragoneses se troba en Litera Intimata de Chuan Ximénez Cerdán:

me dixo que dixesse a la Reyna que era en Çaragoça, que era el dia siguiente, que era viespra de Cabodanyo, seria a cena con ella

Curiosidatz[editar | editar código]

L'anyata romana encomenzaba enantes en marzo, egual que l'anyata astrolochica encomienza encara con piscis. Os romans cambeyoron o cabo d'anyo de marzo por o cabo d'anyo o día 1 de chenero por razons politicas con enchaquia d'a guerra contra Numancia, porque a suya lei impediba que as tropas salisen de Roma enantes de cabo d'anyo.

Vinclos externos[editar | editar código]