Briquet

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Briquet de gas

Un briquet (de l'occitán < briquét)[1] u chisquero ye un dispositivo emplegato ta pretar fuego a unatra substancia que será a encargata de mantener a flama por mas tiempo.

Historia y tipos de briquez[editar | modificar o codigo]

Os primers briquez yeran un tubo, d'uns 6 a 8 milimetros de diametro (por un regular de latón), por a on que i pasaba una mecha de cotón. En unatro tubo paralelo bi heba una pedrenya d'encender mantenita con un muelle y un torniello contra una rueda estriata que, fendo-la chirar con o dido, produciba purnas que pretaban fuego a la mecha. Una vegata emplegata a brasa producita en a mecha, se ficaba ista adintro d'o suyo tubo con un tape enganchato en un filo d'arambre, que amortaba a brasa por sufocación (manca d'oxichén ta a combustión).

Os briquez posteriors, no teneban mecha y yeran formatos por un deposito que almadacena o combustible (benzina, butano u atros), una pedreta que prevoca a purna y un mecanismo t'amortar a flama comodament quitando l'oxichén.

Os mas modernos no gosan emplegar a piedra, sino un sistema electronico que produce una purna. Duran muito menos que os de piedra, pero muito mas baratos.

Briquet ta fumarros en automobils[editar | modificar o codigo]

A mayoría d'os automobils tien un briquet electrico formato por un cable enreligato por a on que pasa una corrient de 15 a 20 amperios que en pocos segundons escalfa o briquet. Una vegada se torna de color narancha, ye capable d'encender o fumarro.

Referencias[editar | modificar o codigo]

  1. (es) Francho Nagore Laín:Los occitanismos en aragonés, Alazet n°6, 1994, p.129
Commons
Commons
Se veigan as imáchens de Commons sobre briquez.