Brenda

De Biquipedia
Ir ta: navego, busca
O pan con chicolate ye una brenda tipica

A brenda u brienda ye un tipo de comida lichera que se fa a meya tardi u antis d'a cena. Gosa minchar-se ta brendar un entropán, u troz de pan con embutiu, pastas u bollería, acompanyado de bella bebita, frida u calient, como café, batiu, suco, chicolate calient u leit, entre atros.

Tamién puet consistir en bella pieza de fruita, yogurt, café con leit, etc.

A brenda arredol d'o mundo[editar | editar código]

A brenda ye una comida típica en muitos países[1] mas que mas d'o Sud d'Europa como Espanya (a on se diz en castellán merienda), Italia (en italián merenda) u Croacia (conoixita como marenda), Latinamerica y as Filipinas.

Entre os archentins y uruguayos ye habitual fer a merienda arredol d'as 7 d'a tardi, entre a chenta y a cena. Por un regular consiste en una infusion (te, mate, café, mate cueto, etc.) y una pieza de repostería (pan, tostadas, tartas, etc.), acompanyatas a sobén por dulce de leit, miel, manteca u bella confitura.

En as islas Filipinas, a brenda (en filipino meryenda u minandál) ye una comida lichera que se mincha de tardis.[2] Quan a merienda ye mas tardi, chusto antis de cenar se diz que ye una merienda cena.[3]

En Catalunya, o País Valencián y as Islas Balears, se conoixe en catalán como berenar u 'bereneta' (ista zaguera forma se fa servir mas que mas en Menorca). Ye habitual minchar pan con tomate y bellas chullas de pernil u queso. A brenda tamién puet estar dulce, como as tartas, os croissants u tamién fruita.

En a costa de Croacia se le diz marenda, y ye una comida entre o desayuno y a chenta.[4] Por un regular se tracta d'un snack lichero, como un chicot entropán u una tostada, que se mincha mientres as horas de treballo.

Referencias[editar | editar código]


As comidas d'o día
Clock 08-00.svg Desayuno | Clock 01-00.svg Chenta | Clock 05-00.svg Brenda | Clock 08-00.svg Cena | Clock 12-00.svg Recena