Boyalar
Un boyalar u boyar[1] yera una defesa de propiedat comunal on deixaban lo bestiar que serviba pa treballar en lo campo. Como la mayor parte d'ixe bestiar yeran bueis prenioron lo nombre de boyalar, pero i heba boyalars pa los somers.
A vegatas los vallaban; por eixemplo, quan creyoron un boyalar a man de Teruel en 1348, facioron una valla en lo terreno.
En la Depresión de l'Ebro caleba tener autorizazión reyal pa creyar un boyalar dentro de los terrenos comunals si la largaria de lo boyalar yera més gran que un tiro de ballesta.
[editar] Etimolochía
Han tenito muitas denominacions y en los textos meyevals, a parte de variants de la mesma radiz, pueden citar-los como defesa, herbaje, defesa boyal u vallar. En lo Fuero de Chaca en dicen buyalar, en lo diccionario de Pardo Asso boyaral, por un regular se lei como toponimo en castellán d'Aragón como boalar sin epentesi antihiatica. En Quinto bi ha una partita dita El bolar. En l'aragonés de la Val d'Acumuer se diz boyaral. En Sardas s'escribiba boballar en 1344:
Tamién existe a parabra boalache, que por eixemplo trobamos en a Carta Puebla de Tuexa:
[editar] Referencias
- ↑ (es) ALLUÉ NAVARRO, Mª Isabel et FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. ISBN 84-611-1141-9