Bode Miller
Bode Miller  |
||
|---|---|---|
 Bode Miller |
||
| Información personal | ||
| Calendata naiximiento: | 12 d'octubre de 1977 | |
| Puesto naiximiento: |  Easton (Nueva Hampshire, Estatos Unitos) |
|
| Altaria: | 1.88 m | |
| Sitio web: | http://www.skispace.com/bode | |
| Esporte: | Esquí | |
| Chuegos Olimpicos | ||
| Oro | Vancouver 2010 | Super Comb. |
| Archent | Vancouver 2010 | Super Ch. |
| Archent | Salt Lake 2002 | Slalom Ch. |
| Archent | Salt Lake 2002 | Combinata |
| Bronze | Vancouver 2010 | Descenso |
| Campionato d'o mundo d'esquí | ||
| Oro | Bormio 2005 | Descenso |
| Oro | Bormio 2005 | Super Ch. |
| Oro | St. Moritz 2003 | Slalom Ch. |
| Oro | St. Moritz 2003 | Combinata |
| Archent | St. Moritz 2003 | Super Ch. |
Samuel Bode Miller (ˈboʊdiː; naixito o 12 d'octubre de 1977) ye un esquiador estatounitense. Ye medallista d'oro en os Chuegos Olimpicos y en o Campionato d'o Mundo d'esquí, d'os vegatas campión d'a clasificación cheneral d'a Copa d'o Mundo en 2005 y 2008, y ye por un regular considerato como o esquiador alpín estatounitense mas important de totz os tiempos. Ye tamién uno d'os grans esquiadors de tota a historia con un total de 32 victorias en a Copa d'o Mundo, y una vegata campión en as cinco disciplinas existents.[1] Estió o cinqueno hombre en ganar cursas d'a Copa d'o Mundo d'esquí en as cinco disciplinas: slalom, slalom chigant, super-chigant, descenso y combinato. Ye l'unico esquiador en a historia en ganar cinco cursas d'a Copa d'o Mundo en cadaguna d'as disciplinas.
En 2008, Miller y Lindsey Vonn consiguioron por primera vegata en 25 anyos ta os Estatos Unitos os títols d'a clasificación cheneral d'a Copa d'o Mundo, tanto en a categoría d'hombres como en la de mullers.
Ha ganato cinco medallas en os Chuegos Olimpicos d'hibierno, mas que dengún atro esquiador estatounitense — dos platas (slalom chigant y combinato) en 2002, y un oro (super combinato), un archent (Super-chigant) un bronze (descenso) en 2010. Miller ye un d'os cinco esquiadors que ha ganto medallas olimpicas en quatre disciplinas diferents, chunto a Kjetil André Aamodt y as esquiadoras Anja Pärson, Janica Kostelic, y Katja Seizinger.[2]
D'atra man tamién ye ganador de seis títols d'a Copa d'o Mundo en quatre disciplinas diferents, mancando-le nomás de ganar o títol en slalom. O 12 de mayo de 2007, Miller deixó o equipe estatounitense d'esquí[3][4] y compitió de forma independient por dos tempodas en o suyo propio equipe, o "Team America". En octubre de 2009 Miller tornó a o equipe nacional d'Estatos Unitos.
[editar] Referencias
- ↑ Futterman, Matthew (February 22, 2010). "Bode Miller Wins Gold in Super Combined". The Wall Street Journal. http://online.wsj.com/article/SB10001424052748704751304575079810752278940.html?mod=WSJ_hpp_LEFTTopStories. Retrieved March 14, 2010.
- ↑ "Miller hat Olympiamedaillen in vier Disziplinen". ORF (Austria). 2012-02-20. http://sport.orf.at/vancouver2010/ticker/358990.html. Retrieved 2012-02-20.
- ↑ Bode Miller quits U. S. ski team
- ↑ Bode Miller quits US ski team
[editar] Vinclos externos
Se veigan as imáchens de Commons sobre Bode Miller.
