Bloque Independentista de Cuchas

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Logo d'o Bloque Independentista de Cuchas

Bloque Independentista de Cuchas (B.I.C.) ye o bloque formato per Chobenalla, A Enrestida, o Sendicato d'os Treballadors d'Aragón (SOA) y Puyalón en 2007 con a intención de chuntar a las organizacions independentistas aragonesas en un mesmo bloque que fa prochectos en común t'aconseguir a independencia y o socialismo t'Aragón.

Dende setiembre de 2008[1] Estau Aragonés, miembro fundador, y Astral, que yera alavez a suya mozardalla, no fan parti d'o BIC. O primero fue expulsato[2] per serias discrepancias con a resta d'organizacions d'o bloque, y a suya mozardalla, que en yera miembro colaborador, albandonó o bloque voluntariament.[3]

Dende que se creyó o bloque, han estato cuantos os actos que se'n han feito, como chornadas sobre sindicalismo, manifestacions en pro d'a independencia y o socialismo, participazion en plataformas, barras y actividaz alternativas en as Fiestas d'o Pilar, presencia en as cincomarzadas, 23 d'abril, etc.

O sendicato universitario Universidat, s'integró en o Bloque Independentista de Cuchas en febrero de 2012.

Hue ye a plataforma que arrocla os principals y mayoritarios movimientos y organizacions independentistas y socialistas en Aragón.

Dende que en 2010 Chobenalla pasase a conformar l'actual Purna, y en 2016 A Enrestida pasar-se a fusionar-se con istos zagueros, o Bloque Independentista no tiene mica actividat ni vichencia. Pa forro bota, atro d'os colectivos soberanista Unibersidat pasaría a integrar-se y clamar-se Purna. Por lo que se podría considerar que ha quedau conformau un espacio soberanista aragonés con Purna como colectivo chovenil y sindicato estudiantil, y Puyalón como partiu de referencia sobiranista. SOA continaría estando o sendicato d'os treballadors/as.

Referencias[editar | modificar o codigo]