Blade Runner

De Biquipedia
Ir ta: navego, busca
Blade Runner
Títol Blade Runner
Poster teatralizato d'a cinta, obra de John Alvin.
Poster teatralizato d'a cinta, obra de John Alvin.
Ficha tecnica
Dirección Ridley Scott
Dirección artistica David Snyder
Producción Michael Deeley
Charles Lauzirika (Final Cut version)
Hampton Fancher
Brian Kelly
Jerry Perenchio
Ivor Powell
Run Run Shaw
Bud Yorkin
Guión Hampton Fancher
David Peoples y
Roland Kibbee
(basato en a novela Do Androids Dream of Electric Sheep?, de Philip K. Dick de 1968).
Musica Vangelis
Fotografía Jordan Cronenweth
Montache Les Healey (Director's cut)
Terry Rawlings
Marsha Nakashima
Vestuario Michael Kaplan
Charles Knode
Jean Giraud
Efectos especials William Curtis
Actors Harrison Ford
Rutger Hauer
Sean Young
Edward James Olmos
Datos y cifras
Anyo 1982
Chenero Sciencia-ficción
Duración 117 min.
Companyías
Productora The Ladd Company
Destribución Warner Bros.
Presupuesto 28.000.000 de dólars
Ficha en IMDb

Blade Runner (títol orichinal en anglés, estenata en Aragón con o suyo títol orichinal) ye una cinta estatounitense de cine de sciencia-ficción de l'anyo 1982, dirichita por Ridley Scott seguntes un guión de Hampton Fancher, David Peoples y Roland Kibbee (basato en a novela Do Androids Dream of Electric Sheep?, de Philip K. Dick de 1968), con una dirección de fotografía de Jordan Cronenweth y una banda sonora de Vangelis. Producita por Michael Deeley, Charles Lauzirika, Hampton Fancher, Brian Kelly, Jerry Perenchio, Ivor Powell, Run Run Shaw y Bud Yorkin ta The Ladd Company, en o suyo reparto incluye a destacatos actors como Harrison Ford, Rutger Hauer, Sean Young, u Edward James Olmos.

A cinta s'estrenó o 25 de chunio de 1982 en Estatos Unitos, esdevenindo una d'as cintas de culto de quantas cheneracions.[1] Iste film de sciencia-ficción suposó a consagración d'o suyo director, Ridley Scott, y ha estau influencia y un referent ta creyadors de cine, televisión, novelas y chuegos.[1] Blade Runner ha estau fuertement aclamada, mas que mas t'abanzar en o planteyamiento de qüestions que han esdeveniu alazetals en iste sieglo XXI, como a globalización, o cambeo climatico u a superpoblación.[1]

Reparto[editar | editar código]

Temas d'os que se i charra[editar | editar código]

Luengas que desafían l'anglés[editar | editar código]

En Blade Runner se planteya o desafío d'a hechemonía de l'anglés en a ciudat de Los Angeles (California) en l'anyo 2019; en a cinta, i hai residents que charran un mezclallo de luengas europeas y de l'Asia Oriental; actualment, no s'ha plegau a una situación pareixida, encara que s'ha duplicau a cantidat de fablants d'o castellán en ista ciudat entre 1980 y 2010. Os visionarios pronostican que bell día o chinés mandarín será a luenga habitual t'os negocios a ran global.[1]

Autos voladors[editar | editar código]

En a cinta de Ridley Scott son celebres as imachens d'autos voladors, como o que fa servir o protagonista, Rick Deckard, a qui interpreta l'actor Harrison Ford.[1]

Reconoixencia de l'iris[editar | editar código]

Os autos voladors son encara una fantasía, pero no l'escaneyo de l'iris, que en Blade Runner s'emplega t'a reconoixencia d'os ditos "replicants". Hue o sistema de reconoixencia de l'iris s'emplega en aeropuertos y puntos de control de mugas.[1]

Intelichencia artificial[editar | editar código]

En relación con os abances en intelichencia artificial, os "replicants" de Blade Runner pareixen sers humans sinteticos, y no robots, pero no tienen un comportamiento emocional normal; no s'han creyau encara maquinas que combinen o comportamiento d'as personas, o luengache y a mecanica d'o cuerpo humano.[1]

A colonización d'atras planetas[editar | editar código]

Blade Runner imachinó un mundo en que a mayoría d'os sers humans heba fuyiu a colonias difuera d'a Tierra, mas placientes ta vivir, colonias que yeran chestionadas por interpresas privadas.[1]

A moralidat d'os robots[editar | editar código]

A cinta planteya tamién una qüestión moral, constando en a sciencia-ficción: as conseqüencias de creyar vida intelichent a semellanza d'os sers humans. "A qüestión que planteya a cinta ye si hemos d'atribuyir l'estatus de personas a las maquinas". Blade Runner fa servir a metafora d'a tecnolochía ta explicar porqué a sociedat decide que bells grupos de personas son acceptables y d'atros no.[1]

Vinclos externos[editar | editar código]

Referencias[editar | editar código]