Biolochía sintetica

De Biquipedia
Ir ta: navego, busca

A biolochía sintetica se define como a sintesi de biomoleculas u incheniería de sistemas biolochicos con funcions nuevas que no se troban en a naturaleza. Se tracta d'una disciplina que, a diferencia d'atras, no se basa en o estudeo d'a biolochía d'os sers vivos, sino que tien como obchectivo o disenyo de sistemas biolochicos que no existen en a naturaleza. A biolochía sintetica busca a creyación de nuevos organismos programables, ye dicir, a creyación de microorganismos a la carta que se comporten como chicotz ordinadors.

Fotografía bacteriana[editar | editar código]

A fotografía bacteriana ye un eixemplo de biolochía sintetica a chicota escala que usa celulas d'Escherichia coli modificadas cheneticament.

Enerchía[editar | editar código]

A producción de bioenerchía por meyo de microorganismos sinteticos se troba en as suyas primeras etapas de desembolique. Se tracta d'una aplicación realista que t'o suyo desembolique ameneste d'una mayor evolución en as tecnolochías en el qual se basa. En primer puesto, ye necesario identificar o numero de chens minimos y indispensables t'a vida, ta posteriorment redisenyar rutas metabolicas novedosas encaminadas a la producción d'enerchía.

Existen tres campos d'investigación prencipals por lo que fa a producción de bioenerchía por meyo de Biolochía Sintetica, a producción de hidrochén u etanol, a conversión eficient de residuos en enerchía y a conversión d'enerchía solar en hidrochén.

Nuevos biomateriales[editar | editar código]

Os biomaterials son materials farmacolochicament inertes, utilizaus ta estar incorporaus u implantaus dentro d'un sistema vivo ta reemplazar u restaurar bella función remanindo en contacto permanent u intermitent con fluidos corporals. Será posible disenyar u modificar celulas y microorganismos ta que sían capaces de sintetizar polipeptidos constituius por aminoacidos no naturals que poseigan propiedatz interesants. Entre as nuevas propiedatz se trobarían a capacidat de entrecruzamiento u a reconoixencia de moleculas (util t'a unión de materials entre ell).