Vimbre

De Biquipedia
(Reendrezato dende Bimbre)
Ir ta: navego, busca
Artesanía d'a vimbre. Fendo un capazo.

A vimbre ye una fibra obtenita d'una planta (p. ex. a sarguera) a qual ye teixita ta istar finalment transformata a un obchecto util. Asobén s'emplega como a materia prima ta fer capazos y muebles. Es materials emplegatos pueden proceder de qualsiquier parti d'a planta (bastons, sargas, trallos, brancas, etc.) sían bien de tot l'amplo d'ells u bien de l'amplura chusta. Altros materials relacionatos son a canya y o bambú.

Asobén, existe una bastida de materials més firmes a l'alto d'a qual s'entaranan materials més flexibles emplegatos ta emplenar o marco. A vimbre ye lebera pero robusta, fendo-ne un material ideyal y de poquet coste ta fer-ne muebles que haigan d'estar movitos de contino.

Se troban referencias decumentals d'a vimbre ya d'es tiempos d'es antigos echipcianos. Tamien diz que s'heba feto uso extensivo d'es obchectos de vimbre a la Edat d'o Fierro, que habiore de tener una gran enfluyencia sobre d'es patrons dimpués emplegatos en l'arte celta.

En o sieglo XV en Teruel, o material con o que se feban os obchectos concretos de vimbre s'endicaba en plural (vna canasta de vinbres, huna cesta de bienbres amariella).

Vinclos externos[editar | editar código]