Biarche

Biarche
Municipio d'Aragón
Ilesia de Sant Chaime.
Entidat  • País  • Provincia  • Comarca	Municipio Aragón  Uesca Semontano de Balbastro
Superficie	145,03 km²
Población  • Total	258 hab. (2010)
Altaria	602 m.
Distancia  • 40 km	enta Uesca
Codigo postal	22144
Patrons	Sant Lorient
Parroquial  • Diocesi  •Arciprestato  • Parroquia	Bispau de Uesca Semontano y Sobrarbe Biarche
Ríos	Río Alcanadre
Coordenatas	42° 9’46’’N 0° 4’58’’U
Biarche Situación de Biarche en Aragón
www.bierge.es

Biarche (Bierge en castellán) ye un municipio aragonés d'a provincia de Uesca, situato en a comarca d'o Semontano de Balbastro y partito chudicial de Balbastro.

A suya población ye de 258 habitants (2010), en una superficie de 145,03 km² y una densidat de población d'1,78 hab/km².

Toponimia

O nombre aragonés orichinal s'ha perdito y ha quedato a forma semicastellanizata Biarje, que esiste tamién como apelliu. En textos meyevals latins u romances tenemos domentatas as formas Biarage, Biareche, Biarge, Bierge, Bierech, Bierche, Bierage, Bierego, Berag, Berax, Berex, Berexen, Beage, Beax, Beix. Ixa x no indica fonema prepalatal fricatibo xordo, indica fonema xordo pero africato (ch), como a pronunciación de xocolata como chocolata en catalán occidental.

Cheografía

A localidat de Biarche se troba situata a 598 metros d'altaria sobre o ran d'a mar, a una distancia de 40 km d'a ciudat de Uesca, a capital d'a suya provincia. O suyo termin municipal ye trescruzato por o río Alcanadre y o municipio se troba encluyito en o Parque Natural d'a Sierra y as Foces de Guara.

Demografía

Evolución demografica

1362 f 1495 f 1842 1857 1860 1877 1887 1897 1900 - - 569 673 724 582 641 627 652

1910 1920 1930 1940 1950 1960 1970 1981 1991 634 601 607 543 409 351 330 251 205

1992 1994 1996 1997 1998 1999 2000 2001 2002 195 - 224 - 224 225 223 227 237

2003 2004 2005 2006 2007 2008 2009 2010 - 248 246 246 239 235 253 262 258 -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón		4	5	1	2	3	3	4	4
Partido Popular		3	0	4	3	2	1	0	3
Partido Aragonés		0	0	0	0	0	1	0	0
Chunta Aragonesista		0	0	0	0	0	0	1	0
Total		7	5	5	5	5	5	5	7

Alcaldes

Lista d'alcaldes

Lechislatura	Nombre	Partito politico
1979–1983	Joaquín Gracia Lasierra	Unión de Centro Democrático
1983–1987
1987–1991	Valentín Javierre Bentue	Partido de los Socialistas de Aragón
1991–1995	Antonio Pedro Ferrer Correas	PP de Aragón
1995–1999	José Antonio Larrosa Ballarín	PP de Aragón
1999–2003	Francisco Viván Salamero	Partido de los Socialistas de Aragón
2003–2007	Sergio Ferrer Correas	Partido de los Socialistas de Aragón
2007–2011	Sergio Ferrer Correas	Partido de los Socialistas de Aragón
2011–2015	César Sanchéz Lafarga	Partido de los Socialistas de Aragón

Molimentos

L'abside d'a ilesia de Sant Andreu de Nasarre.

• Ilesia de Sant Chaime de Biarche, una ilesia en estilo gotico d'o sieglo XVI, encara que conserva repuis d'os suyos alazetz en estilo romanico.
• Ermita de Sant Fertús de Biarche, una ermita d'estilo romanico d'o sieglo XIII, adedicata a Sant Fertús de Braga, encara que muit esviellata mientres o sieglo XVI en estilo gotico. Conserva pinturas d'a segunda metat d'o sieglo XIII en estilo de transición romanico-gotico.
• Ilesia de Sant Andreu de Nasarre, en o lugar de Nasarre, una ilesia de zaguerías d'o sieglo XI en estilo romanico adedicata a Sant Andreu apóstol. Fue esviellato en o sieglo XVII y a suya torre adosata ye d'o sieglo XVIII.

Fiestas

• 29 d'abril: Fiestas en honor de Sant Per de Verona.
• 10 d'agosto: Fiestas patronals en honor de Sant Lorient.

Vinclos externos

• Pachina web oficial de Biarche.