Betacismo

De Biquipedia
Ir ta: navego, busca

O betacismo ye un fenomeno lingüistico, caracteristico sobretot d'as luengas romances occidentals, que consiste en a neutralización d'os fonemas /b/ y /w/~/v/ a favor d'a /b/. O fenomeno principió en o latín vulgar d'Italia, anque s'extendilló solament en as luengas romances ibericas, l'occitán y lo sardo. Bells lingüistas espanyols atribuyen iste fenomeno a lo sustrato vasco, porque en vasco no bi ha un fonema /v/ ni /w/. Altros lo consideran una evolución propia dende o latín vulgar, por as pocas diferencias acusticas que bi ha entre las consonants /b/ y /w/ ta un fablant no muito culto.

Realment se tracta de dos fenomenos diferents. Primero a conversión d'a /b/ intervocalica en una fricativa, anque ista evolución ye cheneral en todas as luengas romances (eixemplo: CANTABAM > italián y portugués cantava). Segundo, a neutralización en posición inicial d'a /b/ y la /w/ en /b/, que podeba ser provocata por o primer fenomeno. Iste zaguer ye caracteristico nomás en as luengas ibericas (excepto o portugués), en l'occitán central y occidental, y en o sardo. Anque tamién bi ha eixemplos d'iste tipo de betacismo en o rumán: VETARANUS > bâtrăn.

Fuents y vinclos externos[editar | editar código]