Berta d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Berta d'Aragón
Reina consort d'Aragón y Navarra
Reina consort d'Aragón
16 d'agosto de 1097 - 28 de setiembre de 1104
Predecesor	Agnés d'Aquitania
Succesor	Urraca de Castiella
Reina consort de Navarra
16 d'agosto de 1097 - 28 de setiembre de 1104
Predecesor	Agnés d'Aquitania
Succesor	Urraca de Castiella
Naixencia	1075? Italia
Muerte	antis de 1111
Conchuche/s	Pero I d'Aragón

Berta d'Aragón (1075? - antis de 1111) estió reina consort d'Aragón y Navarra. No se conoixe cosa d'a suya nineza nian o nombre de sus pais, pero se creye que os suyos orichens pueden estar italianos, ya que o suyo nombre, Berta, ye italiano.

Se casó con Pero I d'Aragón en l'anyo 1097; a voda se celebró chusto dimpués d'a muerte d'a primera muller de Pero, Agnés d'Aquitania. O monarca ya teneba dos fillos d'Agnés, Pero y Isabel, pero no tenió garra fillo con Berta.

Pero y Isabel heban muerto os dos en l'anyo 1104, asinas que o rei Pero amenistaba d'un hereu. No tenioron fillos y Pero murió a l'anyo siguient, por lo que os reinos d'Aragón y Navarra pasoron a o chirmán d'o rei, Alifonso I.

Berta obtenió un dote como herencio, o clamato Reino d'os Mallos que incluyiba os lugars d'Agüero, Morillo, Riglos, Marcuello, Ayerbe, y Callén, pero Alifonso mantenió toz os territorios de Pero. No se sabe guaire bien cuan y a on morió Berta perque no se conserva documentación d'a suya vida dimpués d'abandonar Aragón.

O chenealochista Szabolcs de Vajay ha especulato con que Berta podeba haber estato a filla d'o conte Pero I de Saboya y atra Agnés d'Aquitania, talment l'Agnés que estió a muller d'o pai de Pero, Remiro I d'Aragón, asinas que Pero sería primo chirmán d'a suya primera muller.