Benoît Mandelbrot

De Biquipedia
Ir ta: navego, busca
Benoît Mandelbrot
Benoît Mandelbrot mientres o suyo nombramiento como miembro d'a Lechión d'Honor
Benoît Mandelbrot mientres o suyo nombramiento como miembro d'a Lechión d'Honor
Información personal
Calendata de naixencia: 20 de noviembre de 1924
Puesto de naixencia: Flag of Poland.svg Varsovia (Polonia)
Ocupación: Matematico

Benoît B. Mandelbrot (naixito en 1924) ye un matematico conoixito por os suyos treballos sobre os fractals. Ye lo principal responsable d'o auche d'iste dominio d'as matematicas dende l'inicio d'os anyos ueitanta, y de l'interés creixient d'o publico. En efecto supo fer servir a ferramienta que yera popularizando-se en ista epoca - l'ordinador - ta trazar os más conoixitos eixemplos de cheometría fractal: o conchunto de Mandelbrot por supuesto, asinas como os conchuntos de Julia escubiertos por Gaston Julia qui inventó as matematicas d'os fractals, desarrollatos luego por Mandelbrot.

Biografía[editar | editar código]

Naixió o 20 de noviembre de 1924 de Varsovia, Polonia dentro d'una familia chodiga culta d'orichen lituano. Fue introdueito a lo mundo d'as matematicas dende chicot mercet a os suyos dos tíos. Quan a suya familia emigra ta Francia en 1936 o suyo tío Szolem Mandelbrot, profesor de matematicas en o Collège de France y succesor de Hadamardost en iste puesto, prene responsabilidat d'a suya educación. Dimpués de realizar os suyos estudio en l'Universidat de Leon d'el Roine ingresó a l'"École Polytechnique", a temprana edat, en 1944 baixo a dirección de Paul Lévy qui tamién lo influyo fuertement. Se doctoró en matematicas por a Universidat de París en l'anyo 1952.

Estió profesor d'economía en a Universidat de Harvard, incheniería en Yale, fesiolochía en o Colechio Albert Einstein de Medicina, y matematicas en París y Ginebra. Dende 1958 treballó en IBM en o Centro de investigacions Thomas B. Watson en Nueva York.

Logros scientificos[editar | editar código]

Benoît Mandelbrot estió uno d'os primeros scientificos en fer servir os ordenadors t'estudiar la fractalidat como en iste eixemplo de conchunto de Mandelbrot.

Principal creyador d'a cheometría fractal, en referir-se a l'impacto d'ista disciplina en a consecución e interpretación d'os obchectos que se troban en a naturaleza. En 1982 publicó o suyo libro Fractal Geometry of Nature en o qual que explicaba as suyas investigacions a iste campo. A cheometría fractal se destinche por una aproximación más abstracta a la dimensión d'a que caracteriza a la cheometría convencional.

Honors y premios[editar | editar código]

En 1985 recibió o premio "Barnard Medal for Meritorious Service to Science". En os anyos siguients recibió la "Franklin Medal". En 1987 fue galardonato con o premio "Alexander von Humboldt"; tamién recibió la "Medalla Steindal" en 1988 y muitos atros premios, incluindo la "Medalla Nevada" en 1991.

Vinclos externos[editar | editar código]

Commons-logo.svg
Se veigan as imáchens de Commons sobre Benoît Mandelbrot.
Wikiquote Wikiquote tien una replega de frases celebres de u sobre Benoît Mandelbrot.