Benjamin Harrison
De Biquipedia
 |
|
| President d'os Estatos Unitos | |
| Durazión d'o mandato: | 4 de marzo de 1889 – 4 de marzo de 1893 |
| Predezesor: | Grover Cleveland |
| Suzesor: | Grover Cleveland |
| Naximiento: | 20 d'agosto de 1833 North Bend, Ohio,  EE. UU. |
| Muerte: | 13 de marzo de 1901 Indianapolis, Indiana, EE. UU. |
| Partito politico: | Partito Republicano |
Benjamin Harrison, naxito de North Bend (Ohio) o 20 d'agosto de 1833 y muerto en Indianapolis (Indiana) o 13 de marzo de 1901, estió un melitar y politico estatounitense, que estió o 23º President d'os Estatos Unitos, dende o 4 de marzo de 1889 dica o 4 de marzo de 1893. Mientras a Guerra Zebil d'os Estatos Unitos, Benjamin Harrison estió o chefe d'o 70º Rechimiento d'Infanteria de Boluntarios y d'a 1ª Brigada d'a 1ª Dibisión d'o XXI Cuerpo d'Exerzito d'o Exerzito d'o Cumberland, en as filas de l'Exerzito federal, que albandonó en rematar a guerra con o rango de Brigadier cheneral.
Lizenziato en Dreito por a Unibersidat d'Indiana, treballó como abogato en Indianapolis, y en 1862, en prenzipiar a Guerra Zebil d'os Estatos Unitos, s'alistó como boluntario en o Exerzito d'os Estatos Unitos.
En rematar a guerra, prenzipió a suya carrera politica, estando senador por Indiana en o Senato d'os Estatos Unitos en 1880 por o Partito Republicano, luego d'estar redotato en as elezions á Gobernador d'o estato en 1876. En 1888 redotó á Grover Cleveland en as elezions ta President d'os Estatos Unitos. En a suya presidenzia o país continó con una linia d'espansionismo ta o esterior, en Hawaii, Samoa u en a mar Caribe. Sin d'embargo, fue redotato en as elezions presidenzials de 1892 por Grover Cleveland, y se retiró d'a bida politica, estando dimpués profesor d'a Unibersidat de San Francisco.
[editar] Enrastres esternos
Se beigan as imachens de Commons sobre Benjamin Harrison.
| Predezesor: Grover Cleveland |
President d'Estatos Unitos 1889-1893 |
Suzesor: Grover Cleveland |
