Benezuela

De Biquipedia

República Bolivariana de Venezuela
(En detalle) (En detalle)
Lema nazional:
Inno nazional: Gloria al Bravo Pueblo
Capital  • Poblazión  • Cordenadas	Caracas 5.329.355 10°30′ N 66°58′ O
Mayor ziudat	Pequín
Idiomas ofizials	Español
Forma de gubierno President Bizepresident	Republica Federal Hugo Chávez Ramón Carrizalez Rengifo
Independenzia Declarata Reconoxita	d'España 5 de chulio de 1811 30 de marzo de 1845
Superfizie  • Total  • % augua Mugas	Posizión 33º 916.445 km² 0,3% 4.700 km
Poblazión  • Total  • Densidat	Posizión 37º 28.384.132 30 ab./km²
PIB (PPA)  • Total (2008)  • PIB per capita	Posizión 31º US$ 379.765 millons US$ 13.365
Moneda	Bolívar (VEF)
Chentilizio
Zona oraria	UTC-4:30
Dominio d'Internet	.ve
Codigo telefonico	+58
Prefixo radiofonico	YVA-YYZ / 4MA-4MZ
Codigo ISO	862 / VEN / VE
Miembro de: ONU, OEA, Mercosur, CSN, OPEP, OMC, ALADI, SELA, G77

A Republica Bolibariana de Benezuela (República Bolivariana de Venezuela en castellán, en aragonés en grafía etimolochica Veneçuela) ye un país situato en o norte d'America d'o Sur. O territorio benezolán encluye, á más, dibersas islas localizatas en a mar Caribe. Benezuela muga con Guyana á l'este, Brasil á lo sur, Colombia á l'ueste. As islas de Trinidad e Tobago, Grenada, Santa Luzía, Barbados, Curaçao, Bonaire, Aruba, San Bizén e as Granadinas e as Islas de Sotavento que se troban á mán d'a costa benezolana.

Contenius 1 Cheografía fesica 1.1 Relieu 1.2 Idrografía 1.3 Fauna 2 Organizazión politico-almenistratiba 3 Politica e gubierno 3.1 Partitos politicos 4 Se beiga tamién 5 Enrastres esternos

[editar] Cheografía fesica

Benezuela ye situata en o Emisferio Norte, encara que o estremo meridional continental se troba muit amán d'a linia d'o ecuador terrestre. O suyo territorio continental ye integrato por una masa compauta que s'estendilla d'este ta ueste e que pertenexe á la placa suramericana; o territorio insular comprende un conchunto d'archipielagos, islas e isloz d'a mar Caribe. Por a suya cheografía bi ha una gran dibersidat de recursos naturals, prenzipalment enercheticos e minerals, e tamién una gran dibersidat d'espezies e ecosistemas.

O país muga á lo norte con a mar Caribe u mar d'as Antillas con una longaria de costa de 2.813 km; tien mugas maritimas con as auguas territorials de Trinidad e Tobago, as Antillas Neerlandesas, Grenada, Puerto Rico e as Islas Birchens. Comparte 2.050 km de muga terrestre con Brasil á lo sur; 743 km á l'este con Guyana e 2.250 km á l'ueste con Colombia.

[editar] Relieu

O relieu benezolán abarta tres unidaz cheograficas, que son d'ueste ta este:

• as cordeleras septentrionals andinas
• as planas (llanos) de l'Orinoco
• o seutor ozidental de l'altiplán de Guayana.

Os Andes septentrionals se bifurcan en dos cadenas montañosas, que se creyoron mientres d'a Era terziaria, que se deseparan en o estremo norte d'a sierra oriental colombiana. A cadena ozidental ye constituyita por a sierra de Perijá en a muga con Colombia, que tien una altaria masima de 3.750 m. A cadena oriental forma a sierra de Mérida, que tien una altaria masima de 4.980 m en o Pico Bolívar, o punto más alto d'o país. Istas dos cadenas rodian a depresión d'o Laco de Maracaibo, que con 13.280 km² ye o más gran d'America d'o Sur. O laco ocupa una ampla depresión ubierta á lo golfo de Benezuela. O suyo subsuelo tien numerosas reserbas d'idrocarburos. Entre o Laco de Maracaibo, a sierra de Mérida e a mar Caribe se troban as sierras e as bals fundas (hondonadas) d'o sistema Lara-Falcón formato por tres aliniazions orograficas orientatas de surueste ta norueste. Enta l'este, a rechión montañosa benezolana s'estendilla e rodia una begata más a costa d'o Caribe, formando o sistema montañoso d'o Caribe que tien una altaria masima de 2.765 m en o Pico Naiguatá e que ye formato por a sierra d'o Caribe e a sierra d'o Interior, as dos orientatas d'este ta ueste, e en meyo d'ellas se troba la depresión d'o Laco de Valencia. Á la fin, á l'este d'o sistema montañoso d'o Caribe se troba o mazizo de Cumaná que forma as peninsulas d'Araya e Paria entre os golfos de Caraico e Paria.

A rechión d'as planas de l'Orinoco ocupa la depresión zentral que s'estendilla entre as montañas andinas á lo noreste e a bal de l'Orinoco á l'este e á lo sur e que rodía á l'altiplán de Guayana. Ye integrata por una gran plana que fue cubierta por a mar en epocas istoricas antigas, e que ha dato orichen á los chazimientos d'idrocarburos. Á l'este e á lo sur de l'Orinoco se troba l'altiplán de Guayana que, debito á la erosión, ha creyato un relieu secundario de chicoz serratos, que puyan á moniquet dica formar a muga con Brasil en a cadenas montañosa de Tairapecó, Parima e Pacaraima; estando lo mont Roraima, con 2.810 o punto más alto.

[editar] Idrografía

Benezuela tien una gran cantidat de recursos idricos. O 74,5% d'as auguas flubials desembocan en l'ozián Atlantico, un 20,7% en a mar Caribe e o 4,5% s'unen á lo río Amazonas. Un chicot porzentache desembocan en a cuenca endorreica d'o Laco de Valencia. Asinas, tres cuatrenas partis d'o país pertenexen á la cuenca de l'Orinoco, que desemboca en l'Atlantico á trabés d'un gran delta. Ye o terzer río más cabaloso d'America d'o Sur. Os afluyents más importants de l'Orinoco son o Ventuari, o Caroní, o Cauri, l'Aro, o Guaviare, o Vichada, o Meta e l'Apure. Una parti d'as auguas de l'Orinoco rematan en l'Amazonas por meyo d'a canal natural de Casiquiare que comunica con o río Negro. D'atra man, os ríos más importants d'a cuenca d'a mar Caribe desembocan en o Laco de Maracaibo: Cotatumbo, Escalante e Chamba, curtos e cabalosos.

[editar] Fauna

A fauna bi ye dibersa e abundant, con presenzia de mamifers carauteristicos d'a zona tropical. Benezuela ye un d'os países con mayor bariedat d'espezies d'aus. Os reptils i son tamién nombrosos, e se i troba una gran bariedat de pexes. En 2004 i esistiban 219 espezies en periglo d'extinzión, entre ellas o Thripophaga cherriei.

[editar] Organizazión politico-almenistratiba

Benezuela ye trestallata politicament e almenistratiba en 23 Estatos, 1 Destrito Capital, 1 Dependencias Federales (72 islas) e 1 territorio reclamato (Guayana Esequiba).

¹ Territorio reclamato por Benezuela (pertenexient autualment á Guyana).

[editar] Politica e gubierno

Benezuela ye un Estato democratico e sozial de Dreito e de Chustizia con forma d'Estato Federal. En 1999 con a nueba Constituzión s'establioron zinco poders publicos nazionals; o Poder executibo, lechislatibo, chudizial, esleutoral e ziudadán. o Poder executibo domina la estrutura de gubierno nazional, o president ye eslechito ta un periodo de 6 añadas, exerze á la bez como chefe d'o Estato e d'o Gubierno. O Parlamento de Benezuela, dito Asambleya Nazional, ye composato por 167 deputatos. En o Poder chudizial esiste o Tribunal Supremo de Justicia o masimo trebunal d'o país. O Poder ziudadán tien un Consejo Moral Republicano que agrupa la Defensoria d'o Pueblo, o Menisterio Publico e a Contraloría Cheneral d'a Republica. O Poder Eleutoral ye conformato por o Consejo Nacional Electoral.

[editar] Partitos politicos

• Movimiento V República
• Un Nuevo Tiempo
• Primero Justicia
• Movimiento Podemos
• Patria Para Todos
• Partido Comunista de Venezuela
• COPEI
• Acción Democrática
• Partido Socialista Unido de Venezuela

[editar] Se beiga tamién

• Estatos de Benezuela
• Lista de monezipios de Benezuela
• Lista de estatos benezolanos por poblazión
• Lista de estatos benezolanos por superfizie

[editar] Enrastres esternos

• Se beigan as imachens de Commons sobre Venezuela.

• Gobierno en Línea - Portalada ofizial d'o Gubierno de Benezuela.

Países d'America d'o Sur
Archentina | Benezuela | Bolibia | Brasil | Chile | Colombia | Ecuador | Guyana | Paraguai | Perú | Surinam | Uruguai
Dependenzias: Aruba | Antillas Neerlandesas | Cheorchias d'o Sur | Guayana Franzesa | Islas Malbinas | Sandwich d'o Sur