Belos

De Biquipedia
Ir ta: navego, busca

   arevacos

   pelendons

   berons

   belos

   titos

   lobetans

   lusons

Os belos u bellos (belli en latín) estioron un pueblo prerromán que viviba en a provincia que l'Antiga Roma denominaba Hispania Citerior, ye decir, en a parte sudueste de l'actual provincia de Zaragoza (Aragón) y en a parte más occidental de l'actual provincia de Soria en Castiella y Leyón.

Yeran una subdivisión d'os celtibers, y yeran amanatos d'atros dos pueblos celtibers, os titos y os lusons. Una d'as suyas ciudatz prencipals yera Nertobriga (amán de L'Almunia de Donya Godina), estando Segeda (amán de Belmont de Gracián) una atra d'as suyas ciudatz.

Dende o 154 aC, os belos prenioron parte en as Guerras Celtibericas contra Roma chunto con a resta de pueblos celtibers.

A suya economía s'alacetaba en l'agricultura, encara que tamién s'adedicaban a la ganadería y desembolicoron una industria metalurchica con o mineral de fierro d'as menas de Moncayo, amás de disponer de chicotas cantidatz d'oro en o río Xalón.