Batería (estrumento)
De Biquipedia
Un u más biquipedistas son treballando autualment enamplando iste articlo.
Ye posible que, por ixo, bi aiga lagunas de contenito u defizienzias de formato. Por fabor, antis de reyalizar correzions mayors u reescrituras, contaute con els en a suya pachina d'usuario u a pachina de descusión de l'articlo ta poder coordinar-ne a redazión.
 1) Bombo 2) Timbala 3) Caxa 4) tom-toms 5) hi-hat 6) ride e crash |
||||||||
|
A batería (en anglés drum kit u dum set) ye un estrumento de mosical formato por a combinazión de barios estrumentos de percusión.
En a suya istoria han estato muitas as diferents combinazions d'os estrumentos que han formato a batería, pendendo sobre tot d'o estilo mosical que se yera fendo. A confegurazión que autualment se troba más estendillata ye a formata por una caxa, un bombo, barios tom-toms (á sobent tres u cuatre), un hi-hat, barios platiellos (os más abituals son crash, ride e splash) e atros estrumentos de percusión como caxas chinesas u zenzerros. Manimenos a combinazión d'os estrumentos e a suya destribuzión ye á sobent una eslezión presonal de cada mosico e puet cambeyar muito d'una batería t'atra.
Güé en día tamién esisten, á más d'as tradizionals baterías acusticas, as baterías eletronicas.
Muito á sobent os termins percusión e batería se fan serbir como sinonimos, manimenos a percusión puet encluyir tamién atros estrumentos, á más d'a batería, e en una orquesta sinfonica en a sezión de percusión s'encluyen toz os estrumentos de percusión.
Contenius |
[editar] Composizión d'a batería
[editar] Caxa
- Ta más informazión se beiga l'articlo prenzipal sobre as caxas
A caxa (en anglés snare drum) ye o prenzipal d'os estrumentos que composan a batería e se situga chusto debant d'o mosico. Tien o suyo orichen en as collas mosicals melitars europeyas, abendo-se desarrollato diferents marchas e rudimentos ta batería.
O suyo cuerpo ye formato por barias capas de fusta (por un regular entre 6 e 10 capas) u por metal. Ye cubierta por os dos cantos con dos membranas, d'antis más feitas de piel e autualment feitas de poliester u plastico. A membrana superior ye resistent á los golpes, feita con barias capas de material e á sobent de color blanca u grisa. A membrana inferior ye más lisa e fina, pero tien más resonanzia.
A caxa otiene o suyo carauteristico sonito á trabies d'un conchunto de condons, ditos bordons, que trescruzan o casco d'a caxa d'un canto ta l'atro. En tañer a membrana superior os bordons bibran chunto con a membrana inferior u bordonera, dando-le á la caxa un sonito parexito á un bomboloneo. Con un solo golpe d'a baqueta sobre a membrana superior se produze a combinazión de dos prozesos: o golpe d'as baquetas en a dita membrana e o retacule d'os bordons sobre a membrana inferior. Por meyo d'un mecanismo espezial se puet tamién amortar iste efeuto, ya que á begatas os bordons bibran cuan se tañe atro estrumento con una determinata frecuenzia. Ye posible adaptar a tensión d'os bordons, logrando asinas una ampla bariedat de sonitos.
As midas más abituals d'o casco d'a caxa son 14" de diametro e fundarias entre 5" e 6,5". Tamién bi ha caxas más chicotas con diametros de 8" u 10" (ditas piccolo) e fundarias de dica 3,5", que se fan serbir á sobent como estrumento adizional (en anglés side-snare) á más d'a caxa prenzipal.
[editar] Bombo
- Ta más informazión se beiga l'articlo prenzipal sobre os bombos
O bombo (en anglés Bassdrum) ye o segundo d'os prenzipals estrumentos d'una batería. Se composa d'un gran cuerpo feito á sobent de doble capa de fusta, que se refirma en dos patas (retractils ta fazilitar o suyo tresporte) que se troban en a suya parti debantera. Ta tañer o bombo s'emplega un pedal, que s'achusta á lo bombo con un dispositibo espezial. Un batería adreto fa serbir o pedal d'o bombo con o suyo pie dreito. Como alternatiba á lo emplego de dos bombos (doble bombo), esiste a posibilidat de fer serbir un doble pedal con transmisión mecanica que premite tañer un solo bombo con os dos pies.
A resonanzia d'o bombo en a suya parti debantera s'asozia á sobent con os foratos que se fan en a membrana ta dixar salir á l'aire. O mesmo forato tamién premite ficar microfonos en o bombo ta fer grabazions u amplificar o sonito. Atra forma d'amplificar o sonito d'o bombo son os triggers, que s'emplegan tamién cuan se quiere tañer más rapedo, pero sin baxar a intensidat d'o sonito.
D'atra man tamién gosan emplegar-se á begatas mantas, almadas u dispositibos espezials[1] que se i meten entre as dos membranas ta amortar o sonito. Istos s'apoyan en a membrana á on que golpea la maza ta amortar o golpe e lograr asinas un sonito más sordo.
En os prenzipios d'a batería os bombos yeran prou grans con grandarias de dica 28" u 30", dimpués se fuoron imposando chino chano bombos más chicoz. Mientres muito tiempo a grandaria estandar d'os bombos estió de 14" de fundaria e 22" de diametro, pero güé en día os más emplegatos ban dende as 16" dica las 18" de fundaria. Tamién pendendo d'o estilo de mosica que se fa os diametros d'os bombos en l'autualidat barían entre as 16" e as 26".
Á ormino se montan sobre o mesmo bombo os tom-toms, escusando asinas espazio e ebitando a nezesidat d'instalar un atro dispositibo espezifico ta penchar os toms. Os baterías profesionals gosan personalizar a membrana debantera d'os bombos con o logo u nombre d'o grupo
[editar] Tom-Toms u timbals
- Ta más informazión se beiga l'articlo prenzipal sobre os tom-toms
Os Tom Toms u simplament toms (tamién ditos á begatas timbals) son estrumentos de percusión con doble membrana (por a parti superior e inferior) con diametros entre as 6 e as 18 pulgadas. Pendendo de como se situen en a batería bi ha dos tipos de toms. Os toms más chicoz gosan meter-se denzima d'o bombo con un dispositibo espezial (en anglés de dizen "rack toms"). D'atra más os toms grans, toms de base u piso u timbalas (en anglés "floor toms") se situan en o suelo sobre as suyas propias patas.
Bels baterías, como Phil Collins, prefieren toms sin resonanzia (concert-toms). Istos toms tienen un tono muito más definito, parellán á los timbals. S'emplegaba muito iste tipo de toms en a decada de 1970.
O numero de toms en una batería pende muito á sobent d'o estilo mosical. Asinas mientres que en o pop u en o jazz clasico gosan emplegar-se dos u tres toms, en o jazz rock u heavy metal pueden emplegar-se dica güeito toms diferents. Manimenos o numero de toms siempre ye una eslezión presonal d'o mosico seguntes o suyo estilo de tañer a batería. Una batería estandar gosa lebar tres toms, dos chicoz (d'entre 10 e 13 pulgadas) denzima d'o bombo e un tom de piso (entre 14 e 16 pulgadas).
[editar] Platiellos
[editar] Ride
[editar] Hi-hat u charles
- Ta más informazión se beiga l'articlo prenzipal sobre o hi-hat
[editar] Crash
[editar] China
[editar] Splash e atros
[editar] Midas estandars
[editar] Dispositibos
[editar] Baquetas
- Ta más informazión se beiga l'articlo prenzipal sobre as baquetas
[editar] Materials
[editar] Membranas
[editar] Casco
[editar] Platiellos
[editar] Baquetas
[editar] Istoria
[editar] Baterías eletronicas
- Ta más informazión se beiga l'articlo prenzipal sobre as baterías eletronicas
[editar] Tecnica
[editar] Funzión d'a batería
[editar] Notazión
[editar] Analisis e aprendizache
[editar] Pedagochía
[editar] Bibliografía
[editar] Enrastres esternos
[editar] Referenzias
- ↑ Se beiga, por exemplo, o Protection Racket bass drum muffler
