Batalla de l'Ebro

De Biquipedia
Ir ta: navego, busca
Batalla de l'Ebro
Guerra Civil Espanyola
Batalla Ebro.png
Mapa d'a batalla de l'Ebro
Información cheneral
Calendata: d'o 25 de chulio de 1938 a lo 16 de noviembre de 1938
Puesto: Río Ebro (Aragón y Catalunya)
Resultato: Victoria d'os sublevatos
En conflicto
Flag of the Second Spanish Republic.svg Exercito Popular Republicán Flag of Spain Under Franco 1936 1938.png Sublevatos
Comandants
Juan Modesto
Enrique Líster
Manuel Tagüeña
Etelvino Vega
Juan Hernández Saravia
Vicente Rojo Lluch
Fidel Dávila Arrondo
Juan Yagüe
Rafael García Valiño
Francisco Franco
Soldatos
100.000 soldatos 90.000 soldatos
Baixas
30.000 muertos
20.000 feritos
19.563 prisioners
200 avions
6.500 muertos
30.000 feritos
5.000 prisioners
Guerra Civil Espanyola
Cuartel de la MontañaAlcázar de ToledoXixónOviedoGuipuzcuaMéridaSigüenzaBadajozEstremaduraMallorcaSierra GuadalupeIrúnMonte PelatoTalaveraSantuario de Nuestra Señora de la CabezaVillarreyalCabo EspartelLoperaMadritOperación ÚrsulaCiudat Universitaria de MadritA Coruña 1ºA Coruña 2ºMalagaJaramaOfensiva d'o NorteMachichacoGuadalacharaGuernicaBilbauSegoviaBruneteSantanderBelchitEl MazucoCherchelTeruelPalosBielsaAragónLinia XYZEbroCatalunyaMenorca

A batalla de l'Ebro estió una d'as zagueras y más decisivas batallas d'a guerra civil espanyola. Se produció dende o 25 de chulio a lo 16 de noviembre de 1938 quan o Exercito Popular Republicán aislato en Catalunya prebó de recuperar os territorios a lo sud de l'Ebro, enlazar con as linias republicanas d'o Sistema Iberico, afloixar a presión melitar sobre Valencia, y aislar a las tropas sublevatas que i heba en Castellón.

Antecedents[editar | editar código]

Dimpués d'a batalla de Belchit y d'a batalla de Teruel, en a primavera de 1938 as tropas sublevatas iban avanzando por a marguin dreita de l'Ebro y plegoron dica a mar Mediterrania por Vinaroz tallando en dos o territorio baixo control d'a Republica.

O gobierno d'a Republica reclutó més soldatos en Catalunya y creyó un exercito de 100.000 hombres distribuitos en 3 cuerpos, o Cinqueno Cuerpo baixo o mando d'Enrique Líster, o Quinceno Cuerpo baixo Manuel Tagüeña y o Diecihueiteno Cuerpo. O mando supremo fue confiato a Juan Modesto y Vicente Rojo yera o chefe d'operacions.

Juan Negrín y o Gubierno republicán heban pensato en as circunstancias internacionals pa decidir-se a lanzar una ofensiva en l'Ebro. Tamién pretendeban millorar a suya posición a l'hora d'unas posibles negociacions de paz con o Gubierno rebel. Con a ofensiva de l'Ebro sería posible estabilizar os frents de batalla y aguardar os resultatos d'a crisi de Checoslovaquia, en a que esperaban a formación d'un bloque de potencias democraticas pa contrarrestar l'auche de gubiernos de tipo totalitario y mesmo faixista. Os politicos republicans suposaban que o Gobierno de Franco se veyería carriato ta un conflicto internacional por Mussolini y Hitler.

Desembolique[editar | editar código]

A nueit d'o día 24 de chulio de 1938 se produció una ofensiva en un frent de quasi 100 km, a mayor ofensiva republicana d'a guerra civil. A XIV Brigada Internacional fació una operación de guerra distractiva en Amposta que tamién pretendeba cubrir o flanco d'un ataque principal. En Mequinenza o XV Cuerpo fació un ataque tamién pa cubrir o flanco d'ixe ataque principal, que se produció en o sector de Gandesa baixo o mando de Líster. O paso d'o río se podió fer por sorpresa de tot, yera bien preparato y facioron servir puents, barcazas, y tota clase d'embarcacions.

As unidatz republicanas arrolloron a 50ª División d'o Cuerpo d'Exercito Marroquí en Flix, Móra d'Ebre y Miravet.

En l'aria d'Amposta a 14 Brigada internacional habió de reblar y tornar a cruzar o río, derrotata por a 105ª División d'os sublevatos.

En l'aria de Mequinenza a 42ª y a 44ª Divisions republicanas ocuporon una extensa aria entre Mequinenza y Fayón fendo retacular 5 km a los sublevatos.

En o sector central avanzó l'XI Brigada Internacional, formata por escandinavos, plegando dica Gandesa, sin poder ocupar-la de tot. Os republicans controlaban ya un extenso arco entre Fayón y Cherta. Os republicans desembolicoron un efectivo sistema de defensa pa poder mantener as suyas posicions.

Contraofensiva de Franco[editar | editar código]

Nuevas unidatz acudioron a enfortir o Cuerpo d'Exercito Marroquí. 8 divisions d'o Exercito nacional defendeban Gandesa y o día 3 d'agosto a ofensiva republicana fue aturada. Francisco Franco encomenzó una lenta batalla de desgaste, (tecnica que seguiba en a guerra civil). En os 4 meses vinients os republicans acotolarían os suyos recursos.

A principios d'agosto as divisions 82ª y d'os sublevatos ya heban feito desapareixer a bolsa de Mequinenza.

O 30 de setiembre os Pactos de Múnich defraudoron as esperanzas d'internacionalización d'o conflicto espanyol. Os republicans ya no podeban mantener as suyas posicions a lo sud de l'Ebro. O exercito republicán yera sozmeso a un intenso bombardeyo de l'aviación y l'artillería y tamién sufriba ataques locals. O frent republicán se fue replegando lentament enta l'Ebro.

O 18 de noviembre tornoron a cruzar o río camín d'o norte as zagueras tropas republicanas.

Conseqüencias[editar | editar código]

A batalla de l'Ebro significó a derrota d'a resitencia que a Republica Espanyola podeba ofreixer a l'avance d'as tropas sublevatas. O 15 de chinero as tropas sublevatas entraban en Tarragona y en un mes quasi tota Catalunya yera ya ocupata.