Batalla de Roncesvals

De Biquipedia
Ir ta: navego, busca
Batalla de Roncesvals
[[]]
Muerte de Roldán en a batalla de Roncesvals
Muerte de Roldán en a batalla de Roncesvals
Información cheneral
Calendata: 15 d'agosto de 778
Puesto: Puerto de Roncesvals?
Resultato: desconoixito pero desastre pa los francos
En conflicto
Reino Franco Vascos ?
Comandants
Roldán ? desconoixito

La Batalla de Roncesvals se produció 778 en lo contexto de la creyación de la Marca Hispanica adintro de lo Reino Franco en la suya etapa carolinchia, en la foz de Roncesvals en lo Pirineu de Navarra (encara que Antonio Ubieto Arteta interprete que esta «batalla» podió estar en la Val d'Ansó u la Val d'Echo).[1]

Lo verano de 778 Carlos Magno, rei de los francos, heba entrato en tierras hispanas, acudindo a la clamata de lo gobernador de Saraqusta, Sulaymán al-Arabi, qui s'heba rebelato contra Abderramán I un anyo enantes, pa refirmar-lo en la suya sublevación a cambeo de la plaza de Saraqusta. En lo suyo abance, Carlos Magno escachó las murallas de Pamplona pa asegurar la suya tornata en caso de fracasar en Zaragoza. La conchura estió un desastre, car Sulaymán se negó a entregar Zaragoza quan plegoron los francos y Carlos Magno habió de tornar-se-ne ta lo país suyo enfilando lo Puerto de Roncesvals.

A lo paso por la foz de Val Carlos, la retaguardia de l'eixercito franco, uns 20.000 soldatos acaudillatos por Roldán, sobrín de Carlos Magno, y por la resta de los Dotze Pars de Francia, una colla de hombres probablement vascos, los atacoron y desfacioron l'exercito lo 15 d'agosto de 778.

Este suceso historico estió l'orichen de la leyenda replegata en lo Cantar de Roldán, que cuenta que Roldán fació sonar lo suyo olifant de vori en lo vertiz d'Ibanyeta pa avisar lo grueso de l'exercito, que descansaba en Val Carlos, encara que lo puesto exacto de la batalla ye encara no ye claro.

Carlos Magno creyó sentir l'olifant de Roldán demandando aduya, pero Ganelón lo convence de que no tien importancia. Quan cayen feritos los dotze palacins imperials y Roldán, éste arrulló a l'augua la suya gloriosa espata, «Durandart», pa que no cayese en mans de l'enemigo.

Este suceso historico tamién inspiró lo Cantar de Roncesvals.

No se conoix con exactitut qui ganó. Los historiadors piensan en tres hipotesis. La primera diz que una coalición de vascos y musulmans d'Al-Andalus; la segunda, una combinación de vascos de las dos laderas de lo Pireneu; y la tercera, vascos ultrapirenencos que no quereban que los francos se fesen más fuertes en Aquitania.

Referencias[editar | editar código]