Batalla de Little Bighorn
| Batalla de Little Bighorn | |
|---|---|
| [[]] | |
 O desembolique d'a batalla de Little Bighorn. |
|
| Información cheneral | |
| Calendata: 25 de chunio de 1876 | |
| Puesto: val d'o río Little Bighorn (condato de Little Bighorn, Montana, Estatos Unitos) | |
| Resultato: victoria india decisiva | |
| En conflicto | |
| Indios sioux (u lakotas) y cheyennes |  Estatos Unitos |
| Comandants | |
| Toro Posato (Sitting Bull) Caballo Loco (Crazy Horse) Chefe Gall (Chief Gall) |
George Armstrong Custer (†) Marcus Reno Frederick Benteen James Calhoun (†) |
| Soldatos | |
| 900-1.800 guerreros | 7º Rechimiento de Caballería: 31 oficials 566 soldatos 15 cevils armatos 35-40 exploradors |
| Baixas | |
| 36-136 muertos 160-170 feritos (seguntes as fuents) |
268 muertos 55 feritos |
A batalla de Little Bighorn estió una batalla escaicita o 25 de chunio de 1876 mientres as Guerras Indias y en a quala luitoron, d'una man, gurreros amerindios d'as tribus d'os sioux (u lakotas) y cheyennes, mandatos por Toro Posato (Sitting Bull en a historiografía en anglés), Caballo Loco (Crazy Horse) y Chefe Gall (Chief Gall); y, d'atra man, tropas d'o 7º Rechimiento de Caballería d'o Exercito estatounitense, mandatas por o cheneral (encara que nomás yera tenient coronel) George Armstrong Custer. A batalla escaició en o río Little Bighorn, un chicot afluyent d'o río Bighorn (que ye afluyent d'o río Yellowstone, y o puesto ye hue protechito legalment como Little Bighorn Battlefield National Monument (Molimento Nacional d'o Campo de batalla de Little Bighorn en aragonés).
En a batalla, as tropas estatounitenses estioron redotatas de raso, con a muerte d'una parte important d'os soldatos y mesmo d'o suyo chefe, o cheneral Custer. A batalla tenió una ampla repercusión en a opinión publica estatounitense y ixo estió l'alazet d'a mortalera de Wounded Knee, nomás 14 anyadas dimpués. Encara hue ye una batalla muit controvertita por o papel de bell uns melitars estatounitenses, que gosan estar acusatos mesmo de traidoría por bells historiadors, y por o propio papel d'o cheneral Custer, que gosa estar tamién muit controvertito. Antiparte, ta os amerindios sioux y cheyennes, a batalla tien tamién una funda carga simbolica, en estar a victoria mas conoixita d'os suyos guerreros mientres as Guerras Indias.
Vinclos externos[editar]
Se veigan as imáchens de Commons sobre a batalla de Little Bighorn.
