Batalla d'Annual
| Batalla d'Annual | |
|---|---|
| Guerra d'O Rif | |
| Información cheneral | |
| Calendata: 22 de chulio-9 d'agosto de 1921 | |
| Puesto: Annual (Marruecos) | |
| Resultato: Victoria decisiva d'os rifenyos | |
| En conflicto | |
 Republica d'O Rif |
 Espanya |
| Comandants | |
| Abd el Krim |
Manuel Fernández Silvestre, Gabriel Morales, Felipe Navarro |
| Soldatos | |
| uns 18.000 |
18.011 |
| Baixas | |
| uns 1.000 |
10.265 |
A batalla d'Annual, más conoixida como "ixarrota d'Annual" u "desenfín d'Annual", estió una gran derrota d'as tropas espanyolas en 1921 que baixo o mandato de o cheneral Manuel Fernandez Silvestre heban empecipiau a ixamplar a conquista territorial en o norte de Marruecos, que heba estau troixau entre Espanya y Francia, quedando-se os franceses o sud y deixando a o reino d'Espanya o norte, zona conoixida como O Rif. Os enfrontinamientos fuón conoixius en más d'una decada como guerra d'O Rif.
Espanya yera escarmenada per a perdida d'as colonias Cuba, Puerto Rico, Filipinas y as islas Marianas y esta feta en o norte de Marruecos yera un mecanismo de compensación politica ta aconortar-se d'ixas perdidas de zaguerías de o sieglo XIX.
A derrota que tenió lugar en o mandato de Alifonso XIII fació una grau crisi politica y social que entre atrás cosas dio lugar a o golpe d'Estau de Miguel Primo de Rivera.
En 1920 o cheneral Manuel F. Silvestre prenió posesión de o cargo de Comandant Cheneral de Melilla y decidió de comencipiar a risgosa conquista de O Rif, con poca coticia, infravalorando o poder y a rasmia de os rifenyos y contando con un exercito espanyol formau por reclutas que no heban luitau nunca, tropas regulars marroquinas que se les podeba entrefilar poca fidelidat y un material militar y d'intendencia, viellos, estrafallaus y delafusié.
Malas que heba acupau parte de o territorio de o Rif y sin parar guaire cuenta de poder esfender a retaguardia y sin contar quasi sin suministros ni coticia ta l'augua potable, tenió que viyer-se debant d'un exercito de sublevau baixo o mando de Abd el Krim. Viyendo que no podeban esfender-se decidión de retirar-se enta Melilla que yera a más de 140 km de Annual. En bell meyo d'o camín i heba fuertes en os que se iba a ir apoyando.
Pero tot lo largo de o camín os rifenyos d'Abd el Krim, los enristión, de tal traza que lo que yera una retirada ordenada de convirtió en una fuyida en desbandada. Os rifenyos crabutón en o camín quasi 4.000 soldaus espanyols. Y atros tantos fuón asesinaus dimpués de rendir-se en as guarnicions de Mont Arruit, Igueriben, Nador, Izumar y Talilit. No más 492 estión prisioners y 18 meses dimpués escambiaus por un rescate que pagó l'empresario espanyol Horacio Echevarrieta.
L'"informe Picasso" en 1921, encargau por o Rey Alifonso XIII plega en a conclusión que estión arredol de 12.000 os soldaus muertos en ixa ixarrota. Encara que investigacions posteriors como Juan Pando y Miguel Francisco los reducen a 7000.
En tot caso, a ixarrota d'Annual estió a zaguera feta colonialista espanyola y una d'as prencipals causas d'o golpe d'estau de Primo de Rivera.
[editar] Vinclos externos
Se veigan as imáchens de Commons sobre a Batalla d'Annual.
