Bal d'Echo

De Biquipedia

Bal d'Echo
Río Aragón Subordán en la bal d'Echo
Comunidat autonoma	Aragón
Probinzia	Uesca
Comarca	Chazetania
Codigo postal	22720
Latitut Lonchitut	42° 43’ 48’’ Norte  0° 44’ 24’’ Ueste
Superfizie	234,4 km²
Altaria	800 m.
Distanzia	100 km enta Uesca
Poblazión	977 ab.
Chentilizio	cheso/a
Ríos	Aragón Subordán
Pachina web	{{{web}}}

Esta fuella ye escrita en aragonés cheso.

La Bal d'Echo (u Val d'Echo en grafía chesa tradizional) ye una Bal y un munizipio aragonés situau en la comarca de la Chazetania. Lo munizipio ye formau por l'achuntamiento de los nucleos urbanos de Ziresa, Echo, Urdués, Embún y Santa Luzía en 1971.

En la parti Norte d'esta Bal ye situada, entre los 1.000 y los 1.800 metros d'altura, se troba la Selba d'Oza.

Contenius 1 Cultura 1.1 Lo cheso 1.2 Bisas de lo Subordán 1.3 Amistad con lo Biarn 1.4 Lo Traje Tradizional 1.5 Grupo Folklorico de la Bal d'Echo 1.6 Las nabatas 2 Se beiga tamién 3 Demografía 4 Enrastres esternos

[editar] Cultura

[editar] Lo cheso

En la Bal d'Echo se fabla una bariedá particular de la luenga aragonesa, clamada cheso. Los chobens d'Echo charran la suya luenga por las carreras de forma habitual. Ista ye una diferencia clara con utras billas de la redolada en do ye difizil escuitar-lo en las bocas de los mozés y mozetas. La razón d'ista realidá ye que los mayestros de las utras Billas, á lo contrario qu'en Echo, no quereban se charra-se asina, ya qu'entendeban que yera obstaculo pa los suyos alumnos si se'n iban ta l'emigrazion y no conoxeban bien lo castellano. Lo escritor en cheso, y tamién mayestro en la Billa, Beremundo Méndez Coarasa, no lo creyeba asina y por isa razón estió, y ye, sin duda, la referenzia de muitas chens de la Billa d'Echo pa charrar con rasmia y orgullo ista bariedá de l'aragonés.

[editar] Bisas de lo Subordán

Bisas de lo Subordán ye una polida publicazion feita por las chens de lo lugar, escrita en cheso y castellano, en do se beyen muitos temas de la bida y la cultura d'ista Bal.

[editar] Amistad con lo Biarn

Bi-ha una estreita relazion con los munezipios de lo costau norte, lo Biarn. Se fan marchas senderistas dende un costau ta l'otro de la buga cada añada con comida fraternal pa rematar la chornada. En ista trobada se charran y cantan en las luengas de lo Perineu. Tamién se fa utra trobada anual en lo ibón d'Astanes con la misma intenzion y ambiente d'amistad.

[editar] Lo Traje Tradizional

Lo traje de las chens d'istas Bals de lo Perineu (lo traje cheso) ye muito parexiu, con los de Roncal (Navarra) y de lo bezino Ansó. Las diferenzias son claras, pero las principals características se beyen que son comuns. En la Bal d'Echo no se conoxe la razón que no estiera a vestimenta abitual de las chens de lo lugar como lo estió en Ansó dica lo fin de lo siglo XX, cuando se podeba bié chen con lo traje en las carreras ansotanas.

[editar] Grupo Folklorico de la Bal d'Echo

Lo Grupo Folklorico de la Bal d'Echo ye l'orgullo d'ista Bal, grupo qu'ha feito cuantas grabazions con las canzions populares tradizionals y tamién nuebas creazions. Lo director y alma de lo grupo ye Pepe Lera, autor de la canzion, S'ha feito de nuey, que ye clásica y se escuita y canta en todo Aragón, dende lo Perineu enta lo Mayestrazgo.

[editar] Las nabatas

Los fayos y abetes de los mons de las Bals Ozidentals de lo Perineu aragonés (Echo y Ansó) estioron los primés que baxaron por los rios d'istas Bals en almadía, dimpués ta l'Aragón y fer lo largo camin que podeba terminar en Tortosa. Las dificultades con lo Reino de Nabarra fizió que los chesos y ansotanos dexaran de fer iste comercio. Añadas dimpués, dende a Billa de Sangüesa,se comenzipia a fer lo transporte de fustas, (los troncos de fayos y abetes)agora dende lo territorio nabarro o sia, dende la Bal de Roncal. Ta asti plegoron las tecnicas y lo lenguaje de las bals aragonesas, asina la luenga, las parolas que utilizan agora los almadieros roncaleses tien ixe orixen. Agora ye intinzion de las chens de la Bal d'Echo recuperar y recrear ista practica como lo fan los bezinos nabarros de Burgui cada primero de Mayo con miles de presonas que beyen lo descenso por lo rio Esca. En 2008 s'ha feito en Echo la recreazión d'ista practica que naxié en istas Bals d'Aragón.

[editar] Se beiga tamién

• Ibón de l'Acherito. Iste ibón yé situato, cheograficamente, en la Bal d'Echo y las suyas aiguas ban ta o Barranco d'Acherito que las chunta con las de lo río Aragón Subordán en lo lugar clamau La Mina, pero cal dezir y aclarar que lo Ibón d'Acherito ye dentro de lo termino alministratibo d'Ansó.
• Ibón d'Astanés. Tamién en lo término alministratibo d'Ansó, pero ye un güen lugar pa conoxer dende la Billa d'Echo, como todos los mons y bals que bi-ha en lo camino ta lo norte, ta la buga con Franzia.

[editar] Demografía

Eboluzión demografica

1362 f 1495 f 1842 1857 1860 1877 1887 1897 1900 - - 776 1.676 1.709 2.022 1.808 1.575 1.661

1910 1920 1930 1940 1950 1960 1970 1981 1991 1.414 1.340 1.226 1.148 1.207 1.074 970 1.107 993

1992 1994 1996 1997 1998 1999 2000 2001 2002 - - 1.005 - 980 959 992 994 993

2003 2004 2005 2006 2007 2008 2009 2010 - 994 984 973 973 957 949 - - -

1717-1981: poblazión de feito; 1990- : poblazión de dreito. Fuent: Interzensal en l'INE, Series de poblazión en l'INE y Relazión d'unidaz poblazionals en l'INE.

[editar] Enrastres esternos

• Pachina web no ofizial.