Baixa Estiria
A Baixa Estiria ye una rechión tradicional d'Eslovenia, situata en o nordeste d'o territorio. Representa o tercio meridional de l'antigo Ducato d'Estiria (os atros dos tercios representan l'actual Land d'Estiria en Austria). A capital ye Maribor, y atras ciudatz importants son Celje y Ptuj.
A Baixa Estiria ye particularment conoixita por o suyo vin blanco.
Toponimia [editar]
O ducato d'Estiria, que existió como una entidat politico-administrativa dende o sieglo XII dica 1918 ye dividito en tres rechions tradicionals: l'Alta Estiria, Estiria Central y a Baixa Estiria. As dos primeras, con población predominantment alemana forman o Land d'Estiria (Steiermark), y a tercera, con población predominantment eslovena ye a Baixa Estiria, pero os eslovens li dicen simplament "Estiria" (Štajerska).
No s'ha de confundir a Baixa Estiria con Estiria d'o Sud, a part meridional d'a Estiria Central, que ye part d'o Land d'Estiria en Austria.
