Báb

De Biquipedia
Ir ta: navego, busca
O santuario d'o Báb en o monte Carmelo en Haifa.

Siyyid 'Ali-Muhammad (20 d'octubre de 1819, Shiraz, Persia - 9 de chulio de 1850, Tabriz, Persia), conoixito como o Báb («A Puerta» en arabe), estió un relichioso, profeta precursor d'a Fe bahá'í.

O Báb yera un Siyyid, ye dicir, un descendient de Muhammad. O 23 de mayo de 1844 o Báb dició estar o Qá’im («Aquer que se devanta») prometito a los musulmans, quala plegata prencipiaría una nueva era ta la humanidat. A relichión establita por o Báb se conoixe como bahaísmo, distinta d'o islam, anque surchió d'o suyo seno; d'igual modo que o cristianismo surchió d'o chudaísmo, y que o budismo d'o hinduismo. A Fe babí habió as suyas propias escrituras y amostranzas relichiosas, manimenos estió muit efimera. O Báb afirmó que a suya prencipal misión yera anunciar a inminent plegata d'aquer profeta u Manifestación de Dios prometito por totas as relichions, o qualo sería responsable d'a unificación d'a humanidat. Os siguidors d'o Báb fuoron conoixitos como babíes.